أبراج

برج الحمل
حكمت الطير بتكة الحرير وما ظنيته يطير من بعد ما والف خلى قفصي وعمر قفص الغير واقعدت أنا في البحور نتمشى تالف لا سواري لا قلاع لا وجدت مقاذف هذ الزمان يعطي ويخالف.
برج الثور
علي يا علي يالي سومك غالي من صابك تجي لعندي نفرشلك مطرح حرير ونغطيك بيزاري.
برج الجوزاء
عيطت على سيد الملاح صبت الناس رقود هزيت الدالية طاح منها عنقود النجوم قالت النجوم نحكي وقال القمر نذوب اصبر يا قلبي ياك كل شي مكتوب.
برج السرطان
يا للي ملكتنني بزينك يالزايدة في عذابي في الليل نومك وفي النهار نترجاك قوليلي غير كليمة يرحم اللي رباك.
برج الأسد
5 وين الطريق اللي فيها محبوبي جيبولي التراب من ثمة نشريه نعمله جعيبة في مكتوبي وإذا مرضو عينيا نكحل بيه حبيبي ما يسمح فيا وأنا ما نسمح فيه.
برج العذراء
ذاك الحمام اللي محبوس في السجنة يعيا ويفرج ربي ونرجعوا خير من اللي كنا.
برج الميزان
يا قاعدة في الجنينة و القرقاف حذاك في النهار نتفكرك وفي الليل نترجاك قلبي وصل لعندك وعينيا حشمو من بهاك ذاك البصر المفلق يما واش فيه راه القلب تعلق لمن نهديه لا طيور تزقزق لا مخبيه.
برج العقرب
شجرة على طرف البير وأعراقها دلايا يما شفت الطير وجهوا كي المرايا عليه لعقاد تسير و عليه نطوي الثنايا.
برج القوس
هبط لقاع البحر، فرّشت زربية، خرجت لي جنية، قالت لي واش بيك يا بنية؟ قلت لها راحوا حبابي وخلاوني وحدانية.
برج الجدي
لو كان السعود تنغرس بالعود نغرس ميات عود في وطيّة، لكن السعود بيدّك يا معبود. يا سقام السعود سقم لي سعدى.
برج الدلو
طلعت للغابة، صبت الضّرو يابس، قتلوا يا ضرو القمر يمشي ولا حابس، قالي مفرش زربية وحذاه طاوس.
برج الحوت
رشّيت عتبة الباب بالزهر والطّيب، وسقيت كل الأحباب بالعسل والزبيب، وكي نسيت جاني جواب كنت نستناه من عند البعيد.