يوم الجمعة خرجوا لريام

يوم الجمعة خرجوا الريام
طعنوني من ضيق اللثام
بهظوني، سلبوني، تيهوني
صدوا وخلوني
نكمد في ليعات الجراح
يحسن عون اللي عشيق
كيفي مجروح بلا حسام
أنا انكويت من النيام
يوم لقيت الخودات
في الأحواز المخفية
ميزوا عليا
في الحين تبعتهم
وأنا كندمم
للعوارم حتى صدوا
نخلوني ما ردوا لي وجاب
نطقت أنا في الحين
وقلت لهم يا ذوك الجايزات
اشفقوا من حالي
ولا تعذبوني
يا كحيلات العيان
صدوا لي وتشلغنوا عليا
زادوا للوالي
علة لي علة لي
كي زاروا، خرجوا يميزوا
زينات التيجان
يوم الجمعة خرجوا الريام
من بهجة فاس البالي
السربات يحيروا العقل
نحكيهم غزلان
يوم الجمعة خرجوا الريام
خرجوا للباب الباهيات
على الكساوي متعاندات
لبسوا ما واتاهم
من قفاطن
عن كل الوان
المبرم والديدي والطلس
الشكرناط والمشجر
والقلب حجر
والموبر بركاضو الغول
الشيبي وخريب الكيوس
قمايجهم شي لا نصف
الفينا واللملم
والحريشة حتى المشعل
كايشابه له المال الكثير
حزوم أرفع من الحرير
العبارق والشرابي
لونها غرابي
مقايس من اللجين
اللبات مع التاجرة والتيجان
يحيروا العقل
زادوا للقلب أهوالي
علة لي علة لي
الدبايج مترصعين
بالجوهر والعقيان
طلوا العوارم في الفجوج
كا يلقطوا نوار الحروج
من المصلى للحواز، وندوا
نحكيهم غزلان يجردوا
نلقاهم سربة خلاف سربة
ظلوا متنزهات
خدموا مشمورات
رافدين ترازمهم
همة وشان
فيهم الطبخ على الألوان
الفاكية والفقاس يا الفاهم
والكعك مع الغريبة
وكا ينشدوا بالأشعار
براول وعروبيات وسرارم
والقصدان الملاح
يطعنوا من شوف اللماح
في الحين نطقت أنا
وقلت لهم: تيهتوني
نطقوا البنات جاوبوني
قالوا لي من تكون
شكون أنت في الناس
قلت لهم: طالب سوسي
من أحواز البهجة الحمرا
وشيخ بيوت أهل الأشعار
ونمجد الحسن ونهوى المليح
قالوا لي كان أنت فصيح
وصفنا وسمينا على النهاية
نطقت أناي:
علاش ذايا
نوصفكم، كاملين
نسميكم
إذا تجوني لرياضي
تشاهدوا نوار احواضي
نقيم بالسرور معكم
قلبي بملقاكم راضي
محال عمري ننساكم
حتى إذا هجرتوا
لكم نسعى الذمام
قالوا لي الغوالي
علة لي، علة لي
سير حتان على وصولنا
وصعبي يهون
قالوا سمينا بالتمام
باش نروحوا بعد المقام
أحكم علينا لا نفرطوا
كي انت صبناك
صاحب طرقة وهواوي
رجل ظريف ومعنوي
عجبتنا سلبتنا
بلا نوية عندك جينا
قلت لهم: أهلا بكم
طاب سلواني بمجيكم
في اللغة نريد نسميكم
بالرقايق نبدا بهشوم
ظريفة وزينب تاج الريام
موينى وفضيلة وطاهرة
ورقية بدر التمام
البتول وزهرة وراضية
وصافية سيف المشالية
هنية عدت جازية
فاقت عبسية ولالة مالكة
والريم فاطمة
العانس رحمة
وخيتها محجوبة
بالزين والبها
صالت حبيبة
والكبيرة أم كلثوم الغزال
خدوج مع غيثة والعزيزة
وخى توصافكم
قل هو الله عليكم
تبارك الله عليكم كلكم
نعين اللي معيان
يا بنات الحومة
نوضوا تجردوا قدامي
أرقصوا وبايعوا لي
قالوا لي: يا الشيخ
جازاك الله بخير
يا الماهر يا ليث الماهرين
لكن هذا جهد الرواح
نسيروا مع نسيم الصباح
مشى العقل وبالي
علة لي، علة لي
سر حتان على وصولنا
صعبنا يهون
مشيت لبستاني وكيد
وفعلت جميع ما نريد
فرشت تسارح بالقطوف
زرابي بر الترك
الحياطي والخديات
خوامي ينبوا معرجين
عملت قباب متقابلين
مقاعد للجلسات
الخصوص داروا بالصريج
من الرخام والزليج بهيج
المصابح ترتي مثل النجوم
ضوت وراها في الغسيق
عملت أسفاري من الوريق
كيسان من البلار والسهيبة
والفاكية للقطيع *** وميادي طبخ الدار
وأشجار عليهم أطيار
ينشد البلبل والحداد
جاوب السمارس
والمقنين الفصيح
هكذاك عملت في ملوك التميمة
في رياضي قايمين ديما