تبقاوا على خير يا أهل الدشرة••

شاعر يقول: ''أشاح بطرف''··
بالله عليكم أليس غاز الكريموجين أرحم من هذا التعبير··!!!؟؟
G....ريزيل هذا أم شعْر··؟؟؟
rd وقتاش رايحيين نعيشوا لكم باش تفهموا باللي ''أشاح بطرف'' عبارة معندهاش معنى؟؟؟ باسلة بزاف·· أخطونا منها على الأقل في 2011^. ريحونا منها الله يخليكم·· بركْ هاذ العام··
ما تضحكوش الحكومة علينا··
يااااااووو عليكم القالمة·· ما تضحكوش الجمهور·· ما تضحكوش الثوار·· وو··و·· ''أثافي الديار''، ''طبرق''·· الحاج عيسى·· عزمي بشارة·· كسكروط بالبطاطا··
شوف لي السّينيال جا ولاّ ماجاش·· زيد شويه·· رجْعْ·· مليييييييييح· صا. .Va..
بيدون طاح من سلوم··
واحد يقول: ·· ''··في يدي حمامة··''·· ها ها ها ها ها··
وواحد يقول: ''سأستأجر الشرفات·· وأملأها بالديوك تصيح معي''··
بالله عليكم، في أي بلد يتم كراء الشرفات باش يحط فيها شاعر مجموعة من الفرارج تصيح معه!!!··؟؟ ··
شكون الجيران اللي يقبلوا··؟؟·· ثم علاش يصيح·· واش صار له·· السينيال نقص؟؟·· دوّرْ·· دوّرْ القصعة·· تاع واش القصعة؟؟·· دوّرّ··دورْ·· غير دَوّرْ·· أي شي يدُورْ دَوْرُو··
أسمعووووا واش يقول واحد:
···''··ركبت بساط الريح لعلي أتمتع بالشوق الخالص في وطني··/·· فوجدت بنفسجه يشكو الصفصاف عشيقته من فتنة ديغول المصطخبة··!!''··
هل من أحد يتطوع ويفهمنا واش يقصد هاذ الشاعر، واش حاب يقول···
أليس من الفساد أن نضفي صفة الشاعر على مواطن لا علاقة له بالشعر··؟؟؟
كيف تريدون من الحكومة أن تحاسب المفسدين، وتتوقف عن تزوير الانتخابات وأنتم تفسدون الذوق وتغالطون الأجيال والحكومة ذاتها··!!··؟؟
بدلوا الحرفة·· ونوضوا أخدموا على ارْواحْكم··· خلوا البلاد تكالحي شوي··
قااااللووووا حمامة في يدي··!!!·· زهرة في يدي·· وأنا فتى لطيف وعاقل وناس ملاح سيتي·· ونْشفْ ومسكين وتؤبرني وأنا نحرق القلب·· وعندي الإحساس قاوي·· والشعور والأسى·· والورى·· والعَبرات و·· ···يرنو· هههه·· (بيتا غاز)·· ووو·· شوف ذاك اللعب··!!·
··''تجرجرنا ذُكرانا وإناثا تختال بين الأجيال··''·· ··''··بالصيف سار به الخريف تَسربلوا··''·· بلوا·· بلوا··
لاه عليك يا خويا··!!··؟؟ هاذو جماعة ''عندما تهفو''·· وهاذوك جماعة ''في غياهب''·· واحنا وش دخلنا فيهم·
كسرة في جافيل·· كرطون مغمس ف المرقة··
كاش ما جاو ديار؟؟؟·· كاش دعم فلاحي··؟؟ كاش فراكات ف البوشطا··؟؟··
وزارة التضامن·· وأم زكي·· وباب الحارة وقفة رمضان·· وخرجات أبو جرة سلطاني·· والأعمال الخيرية·· والصندوق·· وراني نحبك يا شعب···
··''··أراك تغني وفي معصميك قيود··''··
كاش Windows إسلامي·· كاش فوطوشوب بالعربية··؟؟·
هات لي الفريكونس تاع الززيرة تبث أشغال الصيانة بعد الغرس··
كاش غرس؟؟؟ كاش قرص؟؟··· تبقاوا على خير يا أهل الدشرة··