بوقالات8

لخضر‮ بوخرص بقيت حذا العمارة نحسب في العديان، قالوا الحاج لخضر بعد الجزء الأول ما يعود يبان، بصح رجعت يا عدياني منتج ومخرج ومؤلف وممثل ولخرين قاع بلا بيا ما كان... يسموني بوخرص بصح شكون هذا اللي يحبّسني على الكلام!
الشيخ‮ عطا‮ الله
قالوا في الأمثال... على حساب لحافك مدّ رجليك... الشيخ عطا الله انتاعك بصح نائب البرلمان راهو يدور عليك... فهامتك الزايدة طلعاتك والحاج تواتي ما زاد ما نقص فيك... اخدم الناس اللي انتخبوك ولا اطلب ربي من السياسة ينجيك!
ليندة‮ ياسمين
شجرة‮ ياسمين‮ نايضه‮ في‮ وسط‮ الغرفه‮... عروقها‮ سنجبير‮ وغصانها‮ قرفه‮... والله‮ ماننساك‮ يازينه‮ الوقفة‮ سواء‮ كنت‮ (‬طاطا‮) ولا‮ كبرت‮ وارجعتي‮ (‬محترفة‮).‬
هشام‮ مصباح
نجمة ضواية عيطت من السما وقالت فاش راك تخمم وماراكش مرتاح، رديت عليها وقلت... صحابي فاتوني وما رجعتش كي زمان ناس ملاح، قالت يا ولدي لافوت ماشي فيك، رمضان هذا العام بلا ضوّ، وانتا يسمّوك مصباح!
كمال‮ بوعكاز
هبطت‮ للبحر،‮ فرشت‮ زربية‮ وكليت‮ شويا‮ مرقاز،‮ سمعتوا‮ ملايم‮ الناس‮ ويقول‮ أنا‮ قبايلي‮ فحل،‮ قادور‮ وأرقاز،‮ سقسيتو‮ يا‮ صاحبي‮ مادامك‮ هكذا‮... علاه‮ قبلت‮ تكون‮ في‮ قاع‮ المسلسلات‮... عكاز‮!‬
‮