بوقالة سكوب

برج الحمل
كلام على كلام والكلام على سقيلة، العين في العين والدّعوة مقبولة.
وحكمتكم : ضالة الكريم حسن الثّناء.
برج الثور
يا شمس واش بيك ذابلة، إلا بيك الزين راني نفكر فيك، واذا بيك الزهر ربي ما يتخلي عليك.
وحكمتكم : طوبى لمن شغله عيبه عن عيوب الناس.
برج الجوزاء
محبس منقوش، مربي على الفشوش، ما يحمل الهانا، أصبر يا خاطري حتى يفرّج مولانا.
وحكمتكم : ظلم الضعيف أفحش ظلم.
برج السرطان
لزّيت لباب الرياض، الورد عالباب النرجس باسني، الزهر عنقني، والياسمين ما بغَ يكلمني.
وحكمتكم : العين بريد القلب.
برج الأسد
قطّعت اللحم بيدي وعملت بذور، وسمعت الكلام بوذني وعرفت من قالو، يا قايلين الكلام القبيح واش تربحوا، أنا طاوس في القصر وانتم خفاش النهار ما يضوالو.
وحكمتكم : الغفلة غرور.
برج العذراء
جزت على جنية، قالت لي واش تحوسي يا ولية، قلت لها ماني نحوّس لا على مال ولا على جاه، نحوس على من ضيّعت يولي لي.
وحكمتكم : الفقه جيش لا يهزم.
برج الميزان
جايز على باب دارنا، لابس تلمساني، قتلو يا شيخ بالاك تنساني، قالى والله ما ننساك، ونصيبك على ربي جاه وسلطاني.
وحكمتكم : القريب من قَرُبَ نفعه.
برج العقرب
امّنت بالله، والمنام رؤية من عند الله، حمامة بيضة جات ترفرف عليّ، معاها حصان توقّف بين يديّ.
وحكمتكم: كرام الناس أسرعهم مودّة.
برج القوس
نبعث لكم دموعى في مشوار زرق، ونبعث كلامي في برية تحرق، ما ننساكم يا ناسي بحق مكة وبلاطها لزرق.
وحكمتكم : لين الكلام قيد القلوب.
برج الجدي
سمعت قر الحمام في قاع السّجنة، لا من سقاه الما ولا من طاه شعير، يا قمر ..الحمام يعي ويحن، وتتعمّر النافورة، ونعودوا لزمانا كيما كنا .
وحكمتكم : المشقة كلها في تأديب الجاهل.
برج الدلو
خرجت ليلة الجمعة، في يدى شمعة، خرج لي ملاك حنين قالي : يا بنت السحاب حاجتك راه مقضية، قلت ليه : يا سيدي طالت المدة، قالي : روحي لدارك تصيبيها قدّامك.
وحكمتكم : النفس مولعة بحب العاجل.
برج الحوت
خرجت بدر البدور تتزعبل في المور، تلقت هذوك الشعور على الخد إلى ينوّر مثل التفاحة.