11 باسم الله بديت

- نطلب ربي الفتاح يعطيني نحل البيبان ونشوف الهناء ونرتاح.
- طلعت للغابة، صبت الضّرويابس، قتلوا يا ضرو القمر يمشي ولا حاب، قالي مفرش زربية وحذاه طاوس.
- رشّيت عتبة الباب بالزهر والطّيب، وسقيت كل الأحباب بالعسل والزبيب، وكي نسيت جاني جواب كنت نستناه من عند البعيد.
- يما يما ديريلي تويقة في وسط الحديقة باش نشوف زهري كي تجيبو ذيك الوريقة.
- الدالية دلات.. ودلّ العنقود، خلي القمر ينكشف، والسحاب يذوب، خلي لالات النسا تنال المرغوب.
- الناس تنده بالرجال والوالي، وأنا ننده بربي العالي.
- حوم حوم يا حوام، حوم فوق السطح العالي، وقول لها يا لالة يا زينة لبنات وخدودها براقة وعيونها غرّاقة، صارت كل القلوب ليها سبّاقة.
- يا شمس واش بيك ذابلة، إذا بيك الزين راني نفكر فيك، وإذا بيك الزهر ربي ما يتخلي عليك.
- محبس منقوش، مربي على الفشوش، ما يحمل الهانا، أصبر يا خاطري حتى يفرّج مولانا.
- قطّعت اللحم بيدي وعملت بذور، وسمعت الكلام بوذنى وعرفت من قالو، يا قايلين الكلام القبيح واش تربحوا أنا طاوس في القصر وانتم خفاش النهار ما يضو لوا.
- جزت على جنية، قالت لي واش تحوسي يا ولية، قلت لها مانى نحوّس لا على مال ولا على جاه، نحوس على من ضيّعت يولي لي.