بوقالة سكوب

برج الحمل
- نسول عليك يا الحبيب والسوال خير من ألف هنية ساعة على ساعة نفكر في الزمان ونقول علاش ألي تمنيتو ماهو ليا.
برج الثور
- خرجت وحدي في الليل وخرجات الليل صعيبة انسيت المحنة والويل اتفكرتك انت يا الحبيبة.
برج الجوزاء
-حب الملوك جاني مغلف في اوراقو انا وحبيبي في بلاد واحدة والقلب مشتاق.
برج السرطان
- حليت باب الجنان لقيت الملاح رقود تنهدت الدالية وتحرك العنقود قال القمر فالسماء نكشف على السحاب يذوب خلي الحبيب لحبيبو واللي في قلبو حاجة الله يبلغ المقصود.
برج الأسد
- نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي أداوه عليا قلبي معاه و قلبو معاها هيا.
برج العذراء
- يا لي جايا من العين و بيدك مليتي السلة سبحان من أعطاك أزين وزاد في بهاك ذيك الحلة.
برج الميزان
- جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردت ضي النجوم.
برج العقرب
- جاز عليا شباب في يده منديل ازرق وششيته معنقرة ولبسته تبرق عليه نسمح في الولد وعليه نطلق وعليه نخلي البلاد ونردها خندق.
برج القوس
- الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك ونرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا.
برج الجدي
- دارنا في الجبل مقبلة مكة وفراشها حرير طبقة على طبقة ومصباح الفضة يشعل ما يطفى.
برج الدلو
- اطلعت للسطح و فرشت زربية حرقت حر قوس الذهب وحرقست عينيا أفرحي يا يما سعدي ولا ليا نستشفي فالعدو كما استشفى فيا.
برج الحوت
- يا لشمس الضوايا يا العالية في سماك لو كان صبتك مرايا ونشوف وجهي بضواك يعود ربحي وغنايا ويقسم سعدي ذاك.