بوقالة سكوب

برج الحمل
- النور يا النور والنور عينيا طبطبوا على الباب وجابو لي اللي عزيز عليا راني نتمنى من ربي يجي يطلب يدي من ماليا.

برج الثور
- جاز عليا شباب في يده منديل ازرق وششيته معنقرة ولبسته تبرق عليه نسمح في الولد وعليه نطلق وعليه نخلي البلاد ونردها خندق.
برج الجوزاء
- الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك ونرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معاي .
برج السرطان
- اطلعت للسطح وفرشت زربية حرقت حر قوس الذهب و حرقست عينيا أفرحي يا يما سعدي ولا ليا نستشفي فالعدو كما استشفى فيا.
برج الأسد
- علاش يا لالا التخمام رحمة الله واسعة وكبيرة لو كان جات بالكلام نتحدثو ونعطوك تدبيرة بصح كل شي بالمكتوب ويعيا و الخير يبان وتزول عليك الهموم وتروح الحيرة.
برج العذراء
- أعلميني يا لالا نهار تروحي لحمامك نرفدلك السلة و نمشي قدامك ندور على يمينك و نزيد على شمالك ونبقى لك خديم وطايع على طول زمانك.
برج الميزان
- السفينة اللي جات باش نلاقيها باللوز و السكر نرش سواريها و الورد والياسمين نهديه للركاب فيها و بالمسك و العنبر نعطر أماليها.
برج العقرب
- يا لشمس الضوايا يا العالية في سماك لو كان صبتك مرايا و نشوف وجهي بضواك يعود ربحي و غنايا و يقسم سعدي ذاك.
برج القوس
- في الساقية الماء يجري والحشيش نابت متخالف بالشوك مليت حجري من هذاك الراي التالف كي غبت وغاب زهري ولا اللي يجيني خايف.
برج الجدي
- خرجت وحدي في الليل وخرجات الليل صعيبة انسيت المحنة والويل اتفكرتك انت يا الحبيبة.
برج الدلو
-حب الملوك جاني مغلف في اوراقه انا وحبيبي في بلاد واحدة والقلب مشتا.
برج الحوت
-عديان الجبال خطبت بنت الرجال وإلي يقول كلمة في البنية عند الصبح تبان.