باسم الله بديت 28

- رشّيت عتبة الباب بالزهر والطّيب ، وسقيت كل الأحباب بالعسل والزبيب، وكى نسيت جاني جواب كنت نستناه من عند البعيد.
- طلعت للغابة، صبت الضّرو يابس ،قتلوا يا ضرو القمر يمشي ولا حابس، قالي مفرش زربية وحذاه طاوس.
- الدالية دلات ..و دلّ العنقود، خلي القمر ينكشف، والسحاب يذوب، وخلي لالات النسا تنال المرغوب.
- هبط لقاع البحر، فرّشت زربية، خرجت لي جنية، قالت لي واش بيك يا بنية ؟ قلت لها راحوا أحبابي و خلاوني وحدانية.
- مدّيت لقاع البير فرّشت زربية، حرقست حرقوس ذهب من راسي لوذنيا، فرحي يا يما سعدي زها.. واستشفاي في العدو إلى استشفي فيّ.
- جاز عليا شباب في يده منديل ازرق وششيته معنقرة و لبسته تبرق عليه نسمح في الولد و عليه نطلق وعليه نخلي البلاد ونردها خندق. .
-الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك ونرد وجهك مرايا يا ربي يا معبود اقبل دعاية يا رجع لي زهو الزمان ويعيا الحبيب قاعد معايا