بوقالة سكوب

برج الحمل
يا لساكنة في الخيمة و الريح جاني قبلي ردي أوراقك ديمة لا يولي الريح غربي.
برج الثور
في الدار صندوق مخبي في وسطو ذهب و جوهر مرجان و روبا قظيفة، قالولي اماليا لمن مخبيه قلتلهم لهذيك مولاة الشان مولاة المشية الظريفة.
برج الجوزاء
يا لالا يا لالا يا مولاة القلب القاسي حني على حبيبك يالي طيرتي مني نعاسي، ملي شفتك راني نتعذب عليك نعادي اماليا و قاع أحبابي وناسي.
برج السرطان
حكمت الطير بتكة الحرير وما ظنيته يطير من بعد ما والف خلى قفصي و عمر قفص الغير، واقعدت أنا في البحور نتمشى تالف لا سواري لا قلاع، لا وجدت مقاذف هذ الزمان يعطي ويخالف.
برج الأسد
علي يا علي يالي سومك غالي من صابك تجي لعندي نفرشلك مطرح حرير ونغطيك بيزاري.
برج العذراء
عيطت على سيد الملاح صبت الناس رقود هزيت الدالي،ة طاح منها عنقود النجوم، قالت النجوم نحكي و قال القمر نذوب اصبر يا قلبي ياك كل شي مكتوب.
برج الميزان
دارنا في الجبل مقبلة مكة وفراشها حرير طبقة على طبقة ومصباح الفضة يشعل ما يطفى.
برج العقرب
يا للي ملكتنني بزينك يالزايدة في عذابي في الليل نومك وفي النهار، نترجاك قوليلي غير كليمة يرحم اللي رباك.
برج القوس
وين الطريق اللي فيها محبوبي جيبولي التراب من ثمة نشريه نعمله جعيبة في مكتوبي، وإذا مرضو عينيا نكحل بيه حبيبي ما يسمح فيا وأنا ما نسمح فيه.
برج الجدي
ذاك الحمام اللي محبوس في السجنة يعيا ويفرج ربي ونرجعوا خير من اللي كنا.
برج الدلو
يا قاعدة في الجنينة والقرقاف حذاك في النهار، نتفكرك وفي الليل نترجاك قلبي وصل لعندك و عينيا حشمو من بهاك ذاك البصر المفلق، يما واش فيه راه القلب تعلق لمن نهديه لا طيور تزقزق لا مخبيه.
برج الحوت
شجرة على طرف البير وأعراقها دلايا يما شفت الطير وجهوا كي المرايا عليه لعقاد تسير وعليه نطوي الثنايا.