26 باسم الله بديت

- اقعدت تحت النخلة قالولي دقلة نور جات ادور طلعت فوق النخلة وبالعسل رشيت الصور معاه المعيشة تحلى حبيبي الساكن في القصور
- جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردت ضي النجوم
- شجرة ياسمين نايضة في وسط الغرفة عروقها سكنجبير واغصانها قرفة والله ما ننسك يا زينة الوقفة.
- ما ناكلش القارص لو يشهيني وما نخدش الشيخ لو كان يغنيني ناخذ شاب صغيرقدي يواتيني.
- غرست ياسمينة في وسط الدار عروقها سكنجبير واطرافها نوار يما يا يما ما حلى عشق الجار العين تخزر في العين والقلب اصلك اصلك وما ينفع غير الصح شاعلة فيه النار.
- اصلك اصلك وما ينفع غير الصح مولاة النية الصافية عليها ربي اطول ولا يقصر يجيها السعد والربح.
- يا مولاة القب الكبير ربي يعطيك ويوسع عليك ما عندك لا ذهب ولا حرير وانت دايما زاهية وربي مسهلك ما دريت من حيلة نديرباش نكون مثلك.
- التمر والحليب فطبق وسط الخيمة نهديهم للحبيب باه يوالف ديمة ما يعزش الي في الحيب هذاك زوجي لميمة.