يا ذ الفارس وين بحصانك منقول ياقاطع قُطاعة الغيم الباني من عندي لو كان تدي هذا القول وتسال على كل ناسي ووطاني توحشت أولاد نايل والمرحول ذي مدة من عندهم لمن جاني ياذ الفارس واه فيا عز القول ماقاسيت همومي قلبي وحزاني حين ان ينطق قالي مافاد القول كثرت عليا سوالك عياني يامراها دونهم وعرة وسهول غير البارح جيت من برك عاني بعيني شفت نجع في الصحراء مجمول متقابل دوارهم في لصحاني نجع مدلل قا مع لصحان يجول ما يرتع في بر مرعاه مداني يتخير بر العفاء عشبو مغسول متفتح وردو ربيعو زهاني ونياقو فيها اللقحة والمخلول وعشرات وفيها أمات الحيراني الليل البرد يزبدو فيها لفحول زبد الغيض على ذراهم متقاني تسمع في صوت الجمال تقول طبول وضعيف القوة من القطعة جاني وبعيني في نجعهم قطعات خيول هلها عنهم ما يعزو لثماني ساعة ويفزو على طرف المرحول وإبن الصيل يعود في لرض يقاني ما كادو صيد الخلا لا جاء منقول تسميرو يرحي الحجر الصواني جوفو عالي ع القفل طالع مسقول وسبيب الرقبة على طرف مقاني سرجو بالمجبود ترقامو معدول طباع الطرحة والركاب تلمساني كسبو فارس يشبه البدر المكمول يوم الشدة بيه يخرج عيناني زيد الخيمة ضرك فيها واش نقول البيت الحمرة يكسبوها لعياني قسمتها ذيك الطرايق عرض وطول عن لطراف تزيد همة وأحساني زرابة ومخاد وغراير وحمول وفراشات تريح اللي تعبان كسبو حطة كل مافيها معدول منها قع اللي نشفو زهاني كل ليلة دوارهم يمسى مجمول تايه عن عشب المراسم متقاني فيهم بدويات تفاجي اللي المعلول مريولة مطاق يشريها غاني ذهب مصفي صيلها بنت الأصول ناضوا على الحشمة وهم صبياني ماترضالك فعل إلي ماهو مقبول عايز حتى خيالها ع الجيراني ماتتبرج تلبس الكامل في الطول ع المناكب بثرورها طاح مقاني خلخال العذراء على العاقب مصول حتى على البعاد حسو دواني بنات الصحراء زينهم واضح مكمول فيهم صيغة من طباع الغزلاني ورد مفتح في الثرى برو محمول ليهم صفات للجمال الحقاني يا الفارس ليك المزية في ذا القول في ذا المرة راك فاجيت أمحاني هاذوك أهلي نجعهم شفتو مجمول عنهم مشعال الوحش راه قداني ناس الهدة والكرم بابو محلول رفاعين اللي غدا ليهم جاني (*)دليل أدباء الجلفة
