المولود ذالفرصا إي لعوايل انلوراس امقران اذملاقنت

احتافلنت اسناط لعوايل نالجزاير ستلاليت نرياز اقلا يبديل الدونيث كامل ونتا الرسول محمد عليه الصلاة والسلام، سالخير اذلهنا ماني السناي يسمط الحال و النوّث اقلا ثوثا ولعوايل انلوراس بذونت ، أتوجاذنت إلعيذ نالمولود أقلا يوسيد اسناط، بشام اتحمذ ربي فواس أقلا إيلول ذيس خير نلبشر إدخلق ربي سبحان خاطر سقاس أنس ثرقالومث سي لجهل غنثفاوث وثزرا ربي مليح.
العاذاث لباس ذالتقاليد ثتحاول لعوايل ذي لوراس أمقران باش اتحافظ فلاسنت مليح أملمعشاش ماني إتقنت لخالاث امنسي يحلا مليح وتوسعان لملايث نخام فدريث أنس ماني إسنساغن ثغاوسوين نالفال امسنيال الحني، الشمع ونهنتين تغاوس أقلا لازم أتيلي ذي العذاي بشام أذيلي غرس طعم يحلى.
الخالاث أتقنت اشخشوخ، انيغ أبربوش سكسوم وتوجاذنت قبل أساس مليح ماني إتسياقنت ثدار وساغنتيذ لوماعن ذيإجديذن بشام أذحتافلن سوساي ، امين إغنتنا الحاجة مباركة أقلا ثسعقاب العيذ ذقخام امقران ماني إتجمل فلاس ثروانس أوكل إيذ ندريث أنس بشام اذعيذ كيف كيف، واهنتهنا مليح سيرتو أسانسن كامل اتيلي خذمن نهنين ذلخلاث أنسن وثتاف ذي المولد النبوي الشريف الفرصة بشام اتجمل ثروانس واتملاق إيذسن.
يوذان أيط اتفان الفرصة بشام أذروح امكان انربي وأذقين العمرة، خاطر لعمرة نالمولد ثحلا ، وألان اي أقلا تصداقن وتعاونن إقوجيل ذالفقراء بشام أذزهان أقنهنين ذقساي، وثغاوس أقلا ثلا زيك وإميرا ثموكس نتاث أنفيق ثماني زيط لعوايل تمجمالت واذسغنت أوفريك وأسغرسنت وأثبضانت قدقد، الشياي أذوليش يلا لباس سيرتو غنلعوايل أقلا تعشانت ذي لمدينت، والعدثاي ثحلا مليح وثموكس خاطر لعباذ أمبعاذن مليح وولان التان سلهموم ندنيث واتون أمعاون جرثسن.
ونخس انيني بلي حتى لجوامع اتمدرسوين اسقاس رفذنت فغالن انسنت احتافل سالمولد ماني انظمنت لباس نالنشاطاث اقلا ستذكارنت وتفاقنت ايسنت غنسيرث انموحمد بشام اقداشن ولجيل نالوقثاي اذحافظن اقنهنين فتاريخ ندين انس.