محبوبي مازال نتمناه

كل قلب مجروح يجبر طبيبو
وأنا قلبي موحال نلقا دواه
لي شافني قال هذا دواه حبيبو
غزالو وطن ولاد نايل ثما تلڨاه
مسهرني الليل حاير كيف نصيبو
يالايمني لاتضحك عن حالتي علاه
جروح قلبي ضروني معاد يطيبوكيف محبوبي اليوم ننساه
حالف والله غزالي ليا نجيبو
نفرح بالغالي كي نكون حذاه
شعل في جوفي نار وقوات لهيبو
كنت مع غزالي واليوم بلاه
تهدت صحتي وشعراتي بداو يشيبو
والله ما نولي غير اذا كنت معاه
كيف لي حبونا اليوم عنا يغيبو
خلا كيا في قلبي بسماه
حتى ساسي حجارو بداو يريبو
هذا الحيط حبيبي لي بناه
هذا خوكم حب يصبح على قليبو
نڨلو شوفت محبوبي مزال نتمناه