بوقالة سكوب

برج الحمل
خرجت بدر البدور تتزعبل في المور، تلقت هذوك الشعور،على الخد إلى ينوّر مثل التفاحة.
وحكمتكم: هيهات من نصيحة عدوّ.
برج الثور
سمعت قر الحمام في قاع السّجنة، لا من سقاه الما ولا من طاه شعير، يا قمر.. الحمام يعي ويحن، وتتعمّر النافورة، ونعودوا لزمانا كيما كنا.
وحكمتكم: المشقة كلها في تأديب الجاهل.
برج الجوزاء
خرجت ليلة الجمعة، في يدي شمعة، خرج لي ملاك حنين قالي: يا بنت السحاب حاجتك راه مقضية، قلت ليه: يا سيدي طالت المدة، قالي: روحي لدارك تصيبيها قدّامك.
وحكمتكم: النفس مولعة بحب العاجل.
برج السرطان
نبعث لكم دموعي في مشوار زرق، ونبعث كلامي في برية تحرق، ما ننساكم يا ناسي بحق مكة وبلاطها لزرق.
وحكمتكم: لين الكلام قيد القلوب.
برج الأسد
دارنا في الجبل، مقابلة مكة، مفتاحها من ذهب، يشعل ما يطفي.
وحكمتكم: الوحدة خير من جليس السّوء.
برج العذراء
مديت يدي لقاع لبير وفرشت زريبية حرقست حرقوس ذهب من راسي لودنية فرحي يايما سعدي زها.. وستشفاي في العدو الى ستشفا فيا
برج الميزان
كنت كي لوردة المدبالة جا حبيبي وغير الحالة، ياخويا الحب راه كواني ودواه راه شفاني
برج العقرب
إدا انت سبيبط انا خويط فيك.. إدا سنسلة أنا خمسة تحميك.. إدا انت خويتم أنا حجرة تبهيك.. وين تروح تلقاني وغير أنا لي نديك
برج القوس
عسل يا عسل في باقة خضرا يا شميمت العاشقين، يا قمرا حلف سيد لملاح ما يراس، امر غير إدا جات غزالته باش تختم الحضرة
برج الجدي
بنيان الطين لا تعليه يجي نهار ويريب ساسو.. و وليد الناس لا تربيه يكبر ويعود لناسو
برج الدلو
لي جرح قلبي ودواه واش من عين تلقاه، نطلب من ربي الفتاح ننساه ونحل ببان لهنا ونرتاح.
برج الحوت
محبس منقوش مربي علفشوش ميحمل هانا صبر يا خاطري حتى يفرج مولانا