الحمان ثسرول لملاليث أنلوراس أمقران غلولاياث أقلا ذيسنت لبحر

أوفينت لعوايل انلوراس امقران لفرصث نالحمان أفلا ثوثا الجزائر ذقسناي اقعدان بشام اذرولنت نهنتين ذالدريث انسنت غلولاياث اقلا ذيسنت لبحر بشام أذكسنت قلي فولاون انسنت وذسحوسنت الدريث قبل مهذولان غر لقرايث ومرذين اذتمحوركنتش طول بغير ادخلندت العطل نخمستاعش نيوم.
لعوايل انباثنت اذخنشلة اذقالمة أذ ام لبواقي تحبانت لباس لبحر انجيجل خاطر ذالمحترم ونلعوايل وذيس الإختلاط لباس خاطر لبحور نالولاياث ثيط اتروحان غرسن لجان لباس ايذ نسعيفن انس وذيصلحش مليح العوايل سيرتو ايا اقلا غرسن ثهون بشام اذبحر.
وثغاوسا ثاني لبحر انجيجل يقربد مليح امكان اقلا كرين ذيسنت لعوايل وتافنت امكان يقعمر مليح سمانت انلبحر بشام حتى اذقنت المخيماث واذنسنت سما لبلاج ذي لطونت، وحتى ذلهن ايلا ذي جيجل خاطر لبحر محسوب اتيلي غير انلعوايل وتيلين ذيس اعساسن وحتى لبوليس ذجدارمين انيغ الحماية المدنية تعرامن لباس بشام اذدخلن ذي اي لمشكل اذيلي.
وحتى لعوايل اقلا اغرسنش طموبيلاث اوفين ذي الرحلاث اقلا تقنهنت الجمعياث الفرصة بشام اذثهنان سي المشكل نطومبيل خاطر لبحر ذحوس ثلزميث طموبيل سيرتو ذي الحمان.
الحمان اقلا ثوثا باثنت اسناي ثعرم لباس وثسرول لعوايل غنموكان اقلا ذيسن لبروذ اذومان يخس ذي لبحر أنيغ ذي دواور اقلا غرسن ذيسن لماليث غرسن الفيرماث بشام اذبدل الجور واذحوسن قلي قبل مهذيسمط الحال واذولان اقداشن غنلقرايث.