لعوايل أنلوراس بذونت أتولانت غندواور أنسنت بشام اذخذم ثمورا انسن

كيعاد أسقاس يحلا لباس بذونت لعوايل انلوراس أمقران إقتيلين ذي لمدينث اتولانت غر الدواورن انسنت ماني إدجين زيك الفيرماث اتمورا وبعذن غكولشي اورولنذ سي لمشاكل أنزيك ماني إرن لرهاب نقن لعباث سلولاون أذيسنش طول نالرحمث، لباس أنلعباث أنوفا ولان سيرتو غمقرانن ذي لعمر غنتمورا أنسن ذي بلدياث انلارباع، تيلاطو، معافة إشمول، تاكسلانت أولاباس نموكان أقلا أشتاهرن ذي باثنت بلي ألان ذي غموكان أوعرن لباس ذي إقذورار.
وبذون لفلاحث سيرتو ماني إديوشا ربي أسقاس الخير انس سقجنا او ثوثا لمطر ذواذفل ماني إسوينت ثمورا خير أنربي وأروانت، الشي اقلا هذعاون لباس ثامورث بشام أتسرق الخير ذأمقران أمتمزين أذيرذن أو حتى ثجرين نالفاكهث أمتفاح، المشماش، التيشنة.
وينا الحاج محمد إجرنال نا»لشعب» بلي نتا يتحبا لباس ثمورث أنس اقلا أدجيناستيد لجداد أنس او لازم أذحافظ فلاس لباس خاطر نتاث ذالعرض أنس، ويناننغ بلي لازم الدولت أهنتعاون بشام أذقيم ذي الدوارر أقلا ذيسن الخير ذمقران اولازم اسنتخذم إبريذن وأسنتق قلي نالمشاريع أمقاز ذالتريسيتي بشام أذفان إيماننسن مليح، خاطر لمعيشت نالدورا أمين إثحلا مليح ثوعر لباس.
الدولت سالجيهث انس أثقا لباس نتغاوسوين بشام اتسغيم السكان ذي الدوارور فشياي أيسنتوشا ذيدار نالسكن الريفي ثرن الفورجاث ثبذو أثخدم إبريذن أولباس نالمشاريع سيرتو إقفلاحن أقلا غرسن ثمورا وأخسن اهنتخذمن.