لعوايل أنلوراس امقران ولانت غلعوايد انزيك نلخذمت تريكواث ذاللقاث ذي المشتاياي

يوعا أوغلاي نالقش نلمشتا ذو سميط لباس انلعوايل غن لعوايد أنزيد سيرتو ذي لخذمت نالقش ذي ثدار ، ام تقشابيين ذتركواث نالصو ذالليقاث ولباس نتغاوسوين اقلا توخذامنت سالدوفض.
وماني اديوشا ربي أسقاس الخير ذالبراكث تامقرانت ننوّث ذاذفل فالولاياث انلوراس امقران،و أقلا ورعان اقميرا اذورار انس تشورن سوذفل الشياي يدج لباس انلعوايل اذولانت غرنتغاوسوين اقلا ننا ولانت وليس طول ذي لبلاد، وسيرتو ثغاوسوناي أقلا غرسنت لفايدة فدريث أنسنت سيرتو إقداشن ماني أبذونت لباس نالخلاث أتقنت أزطا تقنت سيسي ثقشابين إقرقازن انسنت خاطر ثيا أقتنوززنت أذتعانتش أسميط امتيا أقتوخذمن سفوس، وإدريث أتقنت تريكواث أسلمساس مانيإدتاوينت لمودال نرشمث نتالريكو وأذبذونت ذي لخذمت انس واذتطفش السمانت وادياجث صح يستعاب قلي لخذمت نالتريكو بصح الخلاث اتحبانت أذسررذنت ثارو انسنت أروذ يموق سقفاسننسنت.
ومامك ازر الشياي ماني انزلق ذي ثحونا انباثنت نوفا بلي لكبوب ني زلاين وثغاوسوين نالدوفض ولانت اتوطلابنت لباس سغر الخالاث و يشولين خاطر لعباذ يوذفيهن اسميط وتحواسن فتغاوسوين اقلا هذوعان انسنت اسميط سيرتو اقداشن ويا اقلا اكلان اس كامل خدمن ذس برا وذي اقموكان اوعرن.
ونروح نسقسا قلي نالخلاث اننتانغ بلي ستعدا المشتا أسقاس سيرتو ماني إقسمط الحال أرقينت غنتحونا إقزنززان الكبب نو أزلاي وأساغنتيد فلاسنت بشام أذقنت التريكواث ذاللقاث وحتى الكاشنياث اقداشن بشام أدخيرنت للوان ذالرشامي يحلان أهنتقن، خاطر القش أقلان إميرا يغلاي لباس يرني أذسحمايش طول اذيريذ لخطر وأذمزق أنيغ أذعراض، فالجال نشياي تقنت نهنتين ليقاث ذالتريكواث إثاروانسنت سي فاسن انست أمين إغنتنا الحاجة فتيحة أقلا غرس يليس أثقرا ذي الليسي أتيشت أثخدم اتحبانت لباس ألكاشنياث إسنتتق يماثسنت.
لعوايل ثيظ أوفينت ذيس الفايدت اتقنت وأزنووزانت إثحونا انيغ إثخياطين وأتوتشناسنت الفايت ثحلا بزايداس، وثغاوس ثيشت ثاني ثحلا ذي لخياطاي نتاث لعوايل انلوراس أمقران اتحفاظنت فالعاداث ذالتقاليد انغ أقلا نورثيت فالجدود انغ إميزورا ماني إثلا ثمطوث نتاث اقتقن أروظ نتاروانس سيرتو ذي المشتا.
وامين اقارن يا نزيك لتحبا ثغاوس النكر ثغاوس ماني اديوسا اسميط نلمشتا بشام اذيدج لعوايل نلوراس اذولانت غن العداث انسنت انزيك.