أشخشوخ نلوراس امقران ذزينث نلعراس نشاوين

لوراس امقران يتواعرف سلاباس نتغاوسوين احلانت مليح مليح ورعان تعبارنت فالعاداث ن التقاليد نشاوين يخس ذي لعراس انغي ذي لعياذ وسثغوسويناي لوماكل اقلا ثتشتهار ايسنت الولايث انباثنت خاطر نتاث تامقرانت لباس ستغاوسويناي سمثلا .
ويتاسد اشخشوخ نشاوين ذو قمكان امزوارو ذي لمواكل اقلا تحملن اشاوين اهنتقن ذي المناسباث انيغ ذي لعياذ انيغ ذي لعراس عن لفراح انسن وحتى بغير اذخسن اذرحبن سنجيو واسبينن بلي نهنين ازهان اسيس اتقناس اشخشوخ خاطر يتومقا غير العزيز انوول.
اشخشوخ امين اعنتقار فلاس الحاجة باهية بلي يتموقا سوارن اقلا يحلا قلي ومن بعد اتعجنذ مليح مليح واتدجذ اذيرس قلي بشام اذطف امانن ومن بعد اتقرس ذاقرساث تمزيانين واتوعيذ اذيرس ذي الوقثاي اتبذوذ استنصب واشخشوخ اقلا يتراقد يحلا لازم اذموق سوقازيط خاطر يتلف ابنث تامقرانت وبغير اتنصب آشوث واتكتر ذيس اللحرور اتدجذ اتقلا زني الطابونة ومن بعد اتولذ غل أوركثي ذين واتبذوث اتسرس اطاو ثصفا واترفذذ ثيشت نالقرسث واتشد في فاسن واتجبذ قلي قلي فلحواشي ومن بعد استلفذ واتحاولذ اتزد قد ما قدرت بشام اديرق يزد واذيوم مليح ادتراقش اذلعجين
وهامن بغير اتكمل اتسومذ كامل ومن بعد اتبذوذ اتسفتوتكذ امين اغنتقار الحاجة باهية واتسرسذ ذي المفرذ ذامقران قلي ويخس اذيلي ايا انزيك واتسقيذ سالمرق واتزين سو قديد ن يازيط سيرتو بغير اترنيذ اتقليذ يازيط ذين نتا ذالبطاطا واتقذ زنقس قلي نالفلفل الحار بشام اذيوش الطعمث .
ونخس انيني بلي اشخشوخ نشاوين يتواعرف مليح مليح حتى برّا ن دزاير ماني اتشاركنت ايس الجمعياث ذي لباس نالمسابقاث نلوماكل ويربح ديما الجوايز تمقرانين.