أثارت الحلقة الأولى، من برنامج "وش السعد"، للفنان المصري محمد سعد، والتي كانت النجمة هيفاء وهبي ضيفتها، غضب وانتقادات عدد كبير من الجماهير، لما احتوته من ألفاظ وإيحاءات غير لائقة، ما عدّه البعض إسفافاً وخروجاً على الآداب العامة. وطالب نشطاء مواقع التواصل الاجتماعي، قناة mbc بإيقاف البرنامج نهائياً، مشيرين إلى أن بث هذا البرنامج، يعد سقطة كبيرة في تاريخ القناة. ومن أبرز التعليقات التي جاءت حول هذا البرنامج: "لازم ام بي سي مصر تحط تنبيه قبل عرض برنامج "وش السعد"، الرجاء تناول مضاد للغثيان قبل مشاهدة الحلقة، لأن سخافة وإسفاف محمد سعد، حاجة كده بتسد النفس". وكتبت ناشطة: "من ساعة ما دخلت هيفاء وهوا بيتحرش بيها، وأنا مش فاهمة إيه فكرة البرنامج دا، برنامج في قمة السخافة وقلة الأدب، وحرام لما تسيبوا برنامج زي دا يتعرض وتوقفوا برنامج باسم يوسف، على الأقل كان أحسن من دا بكتير، يعني دا ولا باسم يوسف؟؟؟". وقال أحدهم: "ياريت قناة mbc تاخد آراء الناس في الاعتبار، وتعمل مقياسا لآراء الجمهور على المادة التي تقدمها على الشاشة، فالبرنامج ده على سبيل المثال، قمة في الإسفاف والابتذال وقلة الأدب وقلة الذوق، وأكتر من كده، إنهم فاكرين إنه كوميديا، وجايبين مجاميع وجمهور يضحك على إيه، إيه اللي بيضحك؟ أرجوكم ارحمونا، عندكم برامج كتير حلوة بس انتو كده بتكرهونا في القناة بتاعتكم". كما كتب أحد رواد مواقع التواصل الاجتماعي: "البرنامج ده سقطة كبيرة في سمعة قنوات mbc، وأتمنى أنها تلحق نفسها ومتكملش إذاعته لأنه تافه، محمد سعد قاعد يحلف بالطلاق ويمسك في النسوان ده إعلام ولا ده فن".
