وزراء يُمطِرون سعدان بدعاوي الخير من أجل البقاء

فئة قليلة طالبت بجلب مدرب أجنبي وآخرون لا يعرفون عنه شيئا

هم وزراء ورجال أعمال يفقهون في القطاعات والمؤسسات التي يديرون شؤونها...يفقهون في مجال الإستثمار والمال والأعمال...يفقهون في التسيير...لكنهم لايفقهون شيئا عندما يتعلق الأمر بقطاع خارج عن دائرة اختصاصهم...''النهار'' تقربت منهم واستفسرت عن آرائهم حول بقاء المدرب الوطني على رأس الفريق الوطني من عدمه... لتكون إجاباتهم كلها عبارة عن دعاوي الخير وكأنك في مسجد تحضر خطبة من خطب الجمعة...فبين مؤيد ومعارض لبقاء الناخب الوطني...فإن إجابة إطارات الدولة ورجال أعمالها بعيدة كل البعد عن المجال التقني الرياضي...وإنما هي مجرد أحاديث وتصريحات لا تحفز سعدان إلا على البقاء ولا على المغادرة.....فهل سيأخذ سعدان بآراء الوزراء ورجال الأعمال على البقاء؟
ولد قابلية:''العارفة خير من التالفة''
دحو ولد قابلية، وزير الداخلية والجماعات المحلية:''بعد دقيقة للتفكير والتشاور مع نفسه...راح يرد على سؤال ''النهار'' ويقول ما عندي حتى راي في الشيخ سعدان...مانعرفو...ما نعرف المردود نتاعو...بصح كما يقول المثل ''العارفة خير من التالفة''...إيه الناس اللي يحكمو في الرياضة هوما اللي لازم يهدرو...بعد كل هذا الكلام الذي يعتبر كتمهيد للحديث عما يدور في رأس السي ولد قابلية، أخرج الوزير رأيه بشأن الناخب الوطني رابح سعدان وقال بصريح العبارة..تحبي الصح أنا راني حاب يجيبولنا مدرب أجنبي بلا ما يشرط علينا دراهم كبار...واللا شرط علينا الدراهم...لازم نشدو فالشيخ سعدان ونسكتو...''.
سلال:''متأكد أن الشيخ يديرنا حاجة مليحة في 2012 و2014''
عبد المالك سلال، وزير الموارد المائية:''خبرته في مجال القطاع الرياضي تؤكد على ضرورة بقاء الشيخ سعدان، حيث وبمجرد معرفته لسؤال ''النهار'' راح يرد دون تفكير وتشاور عكس السي ولد قابلية، وقال إنشاء الله ياربي ويقعدنا الشيخ سعدان بالصح لازم يدعموه...ماتنسايش باللي المدرب نتاعنا هو المدرب الوطني الوحيد بالنسبة إلى كافة الأندية الإفريقية...لازم نزيدو نعطولو فرصة...لازم ندعموه تقنيا...عندو شباب بين يديه ما شاء الله عليهم...عندو فريق قوي...وإن شاء الله يا ربي يديرنا حاجة مليحة في 2010 وفي 2014 خير من المرة اللي فاتت''.
بن عيسى ''ما نفهم والو فالرياضة...وكيما قال سلال راني معاه''
رشيد بن عيسى، وزير الفلاحة والتنمية الريفية: ''انفجر ضحكا بمجرد سماعه لسؤال النهار...سكت قليلا ثم قال...ياو ما عندي حتى راي...ما عندي حتى خبرة فالرياضة نعرف باللي رانا فزنا واللا رانا خسرنا....وإن شاء الله نفوزا دايما ونديرو مسيرة رياضية مليحة وهذا مكان...ليسكت قليلا للمرة الثانية بعد تأكيدنا له بأن العديد من الوزراء أبدوا أراءهم بخصوص الموضوع محل الطرح...وراح يسألني هل استجوبتي السي سلال، قلت له نعم...إذا...مادابيك ديري واش راه صاحبي سلال علا جال هو باباها فالرياضة...كان وزير الرياضة فالسابق وأنا ندير فيه ثقة وأنضم إلى تصريحاته''.
ميمون: ''ياربي يبقى سعدان..ياربي نجّح سعدان وياربي وفّق سعدان''
اسماعيل ميمون، وزير السياحة:''يسكت للحظات ثم يتكلم ويمطر الناخب الوطني رابح سعدان بوابل من دعاوي الخير فالمتتبع لتصريحات الوزير، يتبين لك وكأنك في المسجد تتابع خطبة من خطب الجمعة بالنظر إلى كثرة الدعاوى أو كأنك تتابع مشهدا لأم تمطر فلذة كبدها بدعاوى الخير...هذه هي دعاوي ميمون لسعدان...ياربي وفق سعدان في مشواره...ياربي نجح سعدان...ياربي ينجح سعدان في تسيير فريقو...راني مفتخر بيه وبالمستوى اللي وصل ليه...نتمنالو النجاح في تسيير الفريق والبقاء على رأس الفريق...لا حديث عن فريق وطني دون منتخب وطني بمستوى سعدان...إن شاء الله إن شاء الله إن شاء الله يزيدنا نجاحات في 2012 و2014''.
الهادي الخالدي''سعدان عمرو ما يربح كي كاين الرياس بزاف...خلوه يخدم يرحم باباكم''
الهادي الخالدي، وزير التعليم والتكوين المهنيين:''أول عبارة صرح بها الوزير كانت ''العقد شريعة المتعاقدين''...عبارة مبهمة ما دام الوزير لم يكمل تصريحه بعد، ولم يدخل في التفاصيل لأنه التزم الصمت للحظات قبل أن يقول...سعدان جامي يربح ما دام الرياس كاين بزاف...لا بد على سعدان أو غيره من الحصول على الوقت الكافي والمزيد من الحرية في اتخاذ القرارات المناسبة، ولتجسيد البرنامج المسطر دون تدخل الآخرين في صلاحياته...راني فرحان بالسي سعدان اللي دار إنجاز عظيم وما زال يدير إن شاء الله إيلا خلاوه ترونكيل...راه وعدنا باش يدير إنجازات أخرى وإن شاء الله يديرها كما دار الإنجازات الأولى...خلوه يخدم..خلوه يخدم ....خلوه يخدم يرحم باباكم''.
لهبيري:''سعدان وطني خلوه يخدم ويدير فريق مالبلاد ماشي بولاد الهيه هادوك مخدومين''
العقيد مصطفى لهبيري، مدير عام الحماية المدنية:''انفجر ضاحكا والله يالنهار غير نتوما وحدكم...هكذا بدأ لهبيري حديثه معنا بمجرد سماعه لسؤال '' النهار '' قبل أن يؤكد رأيه بشأن بقاء سعدان على رأس التشكيلة الوطنية من عدمه والتي حصرها في....سعدان باين على وجهو بلي وطني وعندو الروح الوطنية...سعدان تربى فالدزاير ويحب البلاد...سعدان يحب الوطن ما يحبش الفلوس...وعلاش نجيبو مدرب أجنبي يفلسنا وياكل دراهمنا....خلوه يخدم وخلوه يكوّن فريق من أولاد البلاد ماشي كما هادوك اللي لعبو فالمونديال، ترباو في فرنسا وعندهم عقلية تاع الهيه...صينو كيفاش نفسرو النتيجة اللي داروها في كأس العالم ''فريق مخدوم''...لازم يقعد سعدان ويديرنا فريق من الجزاير قوي...لازم نحضرو لكأس إفريقيا 2012 وكأس العالم بأولاد البلاد ماشي أولاد الهيه''.
حداد ''ماراني مع سعدان ماراني ضد.. راني مديڤوتي''
علي حداد، مدير عام مجمع ''أو. تي. أغ. أش. بي'' سألناه عن رأيه في بقاء المدرب سعدان على رأس التشكيلة الوطنية من عدمها...فرد بلهجة فيها الكثير من الديڤوطاج...شوفي أمدام ماراني مع سعدان ماراني ضدو...مانيش حاب نهدر عليه ربي يسهل عليه...هذه اللهجة التي فيها نوع من الحسرة والأسى، ما هي إلا تأكيد على أن مورال إمبراطور الأشغال العمومية مازالو طايح، بعد الهزيمة التي مني بها الخضر أمام الأمريكان، وخاصة عجزهم عن تسجيل حتى ولو هدف واحد في مرمى الإنجليز...حداد الذي كانت أمنيته الوحيدة بالأمس لا تخرج عن إطار سحق الإنجليز إلى درجة أنه تمنى حضور هذه المباراة دون غيرها للإستمتاع بفنيات الخضر...ها هو اليوم يتحدث عن الفريق الوطني ومدربه بلهجة فيها الكثير من الديڤوطاج لا لشيء سوى لعدم تحقق أمنيته...فهل سيعلق السي حداد آمالا أخرى في الخضر في ''كان 2012'' ومونديال ,,2014.؟''
زغيمي:''لوكان يجي عندي سعدان نعاونو ونخليه مدرب!؟''
الطيب زغيمي، مدير عام مجمع » سيم « للعجائن الغذائية:''انفجر ضاحكا..سكت...ثم قال...مارانيش مبرونشي في كرة القدم...مارنيش مبرونشي في سعدان...مانعرفوش... أنا والمونديال صافي 2,,.نسمع عليه بلي دار مجهود باش وصلنا للمونديال اكثر خيرو...لازم نقرّو بالخير...أنا نحب يبقى علا جال مليحة ليه ولينا...لازم ندعموه...أنا لو كان يجي سعدان عندي نعاونو...على جال راجل أسعد الجزائريين...آه إنها تصريحات متناقضة ولا نعلم إن كان السي زغيمي مع سعدان واللا ضدو''.