بوقالات1

بوقالات

رشيد حراوبية في الساقية الماء يجري والحشيش نابت متخالف، الجامعة ضاعت وسط الفُرقة والراي التالف، كي غبت وغاب زهري مرضت، وعاد اللي يخرج من عندي بالشهادة خايف.
إسماعيل ميمون
جيت ساميت البحر، شفت الحوت يعوم، عرفت ما عندي زهر في ذا الحظ المحموم كي غاب ضيّ القمر ما ردّت ضيّ النجوم.
أبو بكر بن بوزيد
أصلك أصلك وما ينفع غير الصح، قرايتك في يدك وحتى حاجة ما تنصلح، برك مول النية الصافية ربي عليه يفتح، أطوّل ولا تقصر في الوزارة يجيك السعد والربح.
نور الدين موسى
حوم حوم يا حوام، حوم فوق السطح العالي، قولها يا لالا السكنى يا الجنان الغالي، بابك حدا التاقة، وعيون الشعب ليك وليّا براقة، ما نعيا ما نجري في مليون شقة، وقلوب الناس ديما هيا السبّاقة.
جمال ولد عباس
وين الطريق اللي فيها محبوبي، جيبولي التراب من ثمة نشريه، نعمله جعيبة في مكتوبي وإذا مرضو عينيا نكحل بيه، حبيبي ما يسمح فيا وأنا في العهدة الثالثة ما نسمح فيه.