بوقالة سكوب

برج الحمل
1 -علاش يا لالا التخمام رحمة الله واسعة وكبيرة لو كان جات بالكلام نتحدثو ونعطوك تدبيرة بصح كل شي بالمكتوب ويعيا والخير يبان وتزول عليك الهموم وتروح الحيرة.
برج الثور
- أعلميني يا لالا نهار تروحي لحمامك نرفدلك السلة ونمشي قدامك ندور على يمينك ونزيد على شمالك ونبقى لك خديم وطايع على طول زمانك.
برج الجوزاء
- لسفينة اللي جات باش نلاقيها باللوز والسكر نرش سواريها والورد والياسمين نهديه للركاب فيها وبالمسك و العنبر نعطر أماليها.
برج السرطان
-يا لشمس الضوايا يا العالية في سماك لو كان صبتك مرايا ونشوف وجهي بضواك يعود ربحي وغنايا ويقسم سعدي ذاك.
برج الأسد
- في الساقية الماء يجري والحشيش نابت متخالف بالشوك مليت حجري من هذاك الراي التالف كي غبت و غاب زهري ولا اللي يجيني خايف.
برج العذراء
-أقعدت تحت النخلة قالولي دقلة نور جات أدور أطلعت فوق النخلة وبالعسل رشيت الصور معاه المعيشة تحلى حبيبي الساكن في القصور.
برج الميزان
- جيت ساميت البحر شفت الحوت يعوم عرفت ما عندي زهر في ذا الحظ المحموم كي غاب ضي القمر ما ردت ضي النجوم.
برج العقرب
- شجرة ياسمين نايضة في وسط الغرفة عروقها سكنجبير واغصانها قرفة والله ما ننساك يا زينة الوقفة.
برج القوس
- ما نكلش القارص لو يشهيني وما نخذش الشيخ لو كان يغنيني ناخذ شاب صغير قده يواتيني.
برج الجدي
- دارنا في الجبل مقبلة مكة وفراشها حرير طبقة على طبقة ومصباح الفضة يشعل ما يطفى.
برج الدلو
- غرست ياسمينه في وسط الدار عروقها سكنجبير وأطرافها نوار يما يا يما.
برج الحوت
- محلى عشق الجار العين تخز في العين و القلب شاعلة فيه النار.