البهجة

يا سبحانو ما خلق ربي في الكون البحر اللي دار عنك حرف النون خلقوا ربي دايرو في الكون يكون ورسملوا لحدود يمشيها بالهون وبابيروا عايمة ثمى وسفون شاو نهار تحوش للمرصى بمزون وجبالك الشامخة خضرة في اللون والبر اللي مجاورك جملة مسكون كل واحد بحاجتو بها مفتون يا مزغنة قال عنك بن خلدون حبوا كان شبيه مثلوا بن زيدون وأنا جيت اليوم بكلامي ممحون نصفالك بالزايخة صفيت اللون ندرو مع الأبيار نوصل بن عكنون ونفوت مع بوفريزي ثم نكون وباب الواد نزورها لازم مضمون ************** ويا بهجة ما كان في الكون بحالك وانت نقطة طابعتو بصوارك وبمواجو هايجة ما تصفا لك ومن خيرو يسقيك والرب عطالك وتحفاتو بضواو في الليل الحالك ومزواطها ريح موجو متشابك والويدان مصوبة جات توالك وفواشيه تجيك من كل مسالك ولي ما شافك راه شاتي يصفا لك وخلالك تاريخ منوا وهدالك وانت ولادة يحبوا يهوالك شاتي نوصل ليك ونشوف حوالك ويا بهجة ما كان مثلو بنيانك بوزريعة لابدا ضرك نشقا لك وعا لقصبة وصوارها قلت نسالك ويا بيضة بالكل تحيا سكانك ***************** الجزائر كلها زينة بفنون سيدي عبد الرحمان برهانو مكنون سرو خافي يغيث من هو مديون راعي البيضة اللي سرو مخزون نوصيك يا صاحبي على الصالحين من يقتبهم يتسمى مجنون لا تهدرش كثير مثل لي عفون ولد النخلة كي التمرة من عرجون ولد الدفلة بمرارتو بلخف يخون كل نهار يجيك يتبدل في اللون الطاهر الأحدب جايب كلامو ميزون جايب ذي لبيات في الشعر الملحون حامد ربي دايروا ديما في العون طايع والديه ما يقعد مغبون فرحهم يا صاحبي وهما في اثنين **************** وكم من شاعر فات منا غنا لك وإذا سلت تلقاه قبالك واللي ينده بيه يصبح سالك ويا بهجة هذاك هو عساسك خليهم في حالهم تمسى سالك في الدنيا وفي الآخرة يمشي هالك وتلهى بنفيستك شد لسانك بطيابة يا شيخ عسلو يحلالك بعد منو يا صاحبي واحذر بالك يحفر لك حفرة ويديلك مالك وإذا تسمع ليه هو وصالك ما يخلط في حد ولا يتعارك ويشهد بالرسول ماهو شي يشارك ويا من كنت حبيبهم هما فالك وإذا رضاوا كلش يسجالك