تكسن الذيقث نلخذمت مامك يولا الحال يحلا

بذونت لعوايل انلوراس امقران اتراقنت غنموكان يحلان ذي ثمورث انغ سيرتو ماني اقلا لحشيش اقلا يرقد سي لمطر اقلا ثوثا اوسناي اقعدان، ونيغ اتروحانت ايذ ندريث انسنت سيرتو ذي لعواشر ننقارو نسمانت غنذورار اقلا ثتواسن ايسنت باثنت.
يرزق ربي اسقاس الولايث انباثنت ام الجزاير كامل سالخير اذلهنا ذأمقران ماني اقوثا اذفل ذامقران وثرني ثوثا لمطر يرقد اغلانس لحشيش وثروا ثمورث امان اغلا نوفاذ انس كم انلشهار والان حتى افلاحن اوقذن سقسقاس اذتيليش.
يرقا الجرنال ن»الشعب»، غنقلي نموكان ذي باثنت اقلا اتواسنن سالجو يحلا وسالطبيعث ثبها ماني انوفا لعوايل تمقرانين نهنتين ذالدريث انسنت اتيرارن مليح ويعجباسن الحال خاطر يرقد لحشيش وثلا القايلة ثحلا ع الكيف سيرتو القايلة نلمشتاء ثحلا ادريث او ثدوراش ماني اقارن اطبيبن لازم سرقت الدريث اهنتهنا القايلة واذرارن ذقشال بشام اذتيلينش ذيسن طول لمراض اقلا ظهرند ذي لعوماي انقورا ماني اتفنت لعوايل الدريث انسنت ذي ثدار خاطر اتقاذنت فلاسن سي ثعونبا وسي المرض وسي لقباحث نالدريث فلجال نشياي اطفنهن لباس انلمراض ماشي امزيك ماني اثربان الدريث ذي برا ثتهناهن القايلة وتيرارن وقعميرن طبيعي.
لعوايل اننتانغ بلي اتراقنت بشام اذكسنت الضيق نكم نلشهار ذكم نسمناث نهنين ذي الضيق انلخذمت خاطر غرسن غير يويناي نلعواشر ننقار نسمانت اقلا تيلين ذيسن ليبر قلي وذالفرصث بشام اذسحوسن الدريث انسن واذزهان ايذسن.