ازومي نوساي وابربوش سكسوم نالعيذ امقران واحماد نربي فوساي

توجاذنت لعوايل انلوراس امقران ام لعوايل نالجزاير كامل سوسان قبل اقاس اعز غرسنت ذي كل امكان ذي ثمورث انغ ونتا العيذ نعشورا اقلا افوك ذيس ربي سبحانو النبي انس موسى سي لمناكر نفرعون ولعوايل نشواين تحتفالنت سالعيذاي سلباس نتغاوسوين اقلا اوفينت لجدود انسنت تقنهنت واقيمنت تحافظنت فلاسنت.
بتونت لخلاث نشاوين اوجذ اقاساي سي العيذ امقران ماني اتفرنت سقكسوم نيخف نالعيذ وتملاحنت وتقنتاس لحرور واتعلاقنت اذقار غالقايلة بشام اذتنفياش ويتولى ذلخليع واتفرنت اقاس نعشورا اقلا اتقينت ذيس لعوايل محسوب سيرتو ثيا اقلا ورعاذ اتعاشنت ذي الدواور انباثنت ام اريس، تكوت، مروانة، نقاوس وحتى بريكة اتقنت اقمنسي ابربوش سكسوم نالعيذ امقران اقلا نتا ذلخليع وتمجمالنت لعوايل فالطابة نالماكلث سيرتو ذي اقخام امقران والانت لعوايل اتمصرافنت جراثسنت لفال نالعيذ ماني اتمسقانت كل ثيشت مات اثقا اقمنسي واتسرف اقتماس.
والانت لباس نلعوايد ورعاذ ادرنت ذي ثمورث انلوراس سوساي اقلا اتقنت اشاوين املعواشر اقلا اذتخياطنش ذيس بشام اذترججينش افاسن انس واس نعشورا اتذفنت الخلاث واتقصانت قلي سقشعبوب نيسيثسنت بشام ادقعمر واقارنت «عشورا عشورتي اسقعمراي قطوشتي».
وألانت لعوايل اتنت القاطو ادريث انسنت خاطر زهانت لباس سوساي اقلا افوك ذيس ربس النبي موسى، والشي اقلا ورعا ذيلا نتا ازومي نواس نعشوا ذواس قبلن انس انيغ اغلا نس ماني اتراقنت لعوايل كامل غنزومي انواساي اقلا ينا النبي محمد –ص- بلي اغفر ذيس ربي سبحانو اسقاس ايا اقلا تزمنت.