لباس نتموسال اقلا ورعاذ غرسنت امكان ذمقران ذقلاون نشاوين

إعداد أسا أسقاس نينار اجديذ ذي ثمورث نلجزاير كامل سالخير اذلهنا وذلفرح ذأمقران ذي الولاياث أنلوراس أمقران أقلا ورعاذ ينار غرس القيمت تامقرانت ذقلاون نلعباذ انس ويتباند الشياي سقوجذ نلعوايل اقساي ولوفال امقرانن اقلا تموقان فلجالت انس.
بتونت لعوايل انلوراس اتوجاذنت أوقاس امزوارو نالعيذ «انينار» سسمانت قبل ماني اتصافنت ثدار انسنت وتمجمالنت ذقخام انتيشت اسيست بشام اذغنانت واذفرحنت ومن بعد اذسرقنت الدريث انسنت غنلجنناث تمورا نلفلاحث بشام اتبينت قلي نالحشيش ذنواوير وادولانت ثدار واثعلقنت وستبشارنت سسقاس اجديذ نلفلاحث بشام ادعدا سالخير واذرزق ربي ثمورث ذين سالخير ذامقران.
واسذين اتقنت لباس انلوماكل اقلا حكات تاريخ انزيك امرشمن اقلا تموقان سارذن اقذمين اقلا توافرن بلعان اقاس نينار وتموقان ذقمان احمان واذيزقن بشام اذومن مليح واذوفن ومن بعد اسنرنينت الخلاث قلي نتحبة نالحمص انيغ المسطورة واثخلطنت مليح واديرق يزيط ومن بعد اثفرقنت تسحنين فعشيرن واذتمبدال لوماكل اقلا اومقنت.
أصميط اقلا يهواد أسناي فباثنت اذبدش ذقذموامن نلعوايل بشام اذزهانتش سينار بالعكس اوفينت ذيس الفرصث بشام اذبينت ادريث انسنت بلي لازم انحتافل سينار مامك اقلا الحال والشياي ابان مليح ذي ثمورا انريس مروانة،إشمول وحتى بريكة ذنقاوس.
لعوايل ايط اتحبانت اذقنت اشخشوخ انيغ ابربوش سكسو اقلا يتواغر فلجال نلفلاي، خاطر زيك الانت لعوايل غرسنت اقازيط انيغ ثقازيت انيغ اخف طول المهيم لازم اذوقيرن اذامن نالمال اقلا يتوعشار، والشياي امين احكان ايا انزيك بشام اذسوخر ربي ثيط ذالمشاكل فخام ذي ناقلا يغرس .
صح العداثاي ذالتقليداي غرسنت لعوام اذلسنين ذمقرانن ماني اعدان بصح ورعاذ امكاننس يلا ذقلاون نشاوين اقلا اتحبان لباس ثمورث انس اقلا يتاسد العيذ ينار بشام كل لخطرث اهنسفاق غرس ومامك اذحافظن فلاس.