امحروس الشيخ نات موسى

اسن 24 جوان 2012 يقضع اقن سمجهدان نوغلان نت زدغ دمكروس يجد دفرس اقن وخدام ايزعلك اقارنس حمو بن عيسى الحاج سعيد اتوسان سالشيخ نات موسى . اويت يوش امقران غال فدسس دفر اينعر الحملة ننظافة نوغر م نتغردايت ايتوغ يمزوار توزى نوخدام.
وني ايلولد اسن 02 جانفي 1970 تغردايت اتشرد اماس نقت تواشولت تطف دالدينس دلعوايدس اتورب اماس نتكرزت دوخدام نتزدايت يد باباس اسلمداس اتهلى دوخدام نتمورت دتزدايت .دقن سالاعضاء نتدشلا نلومن
المدة 20 نسقسان اتناف دم دمزوار ابد ابش مع سوف اتغار اخدم اتصافا ترجوين دتصانباد اتخبر مدان سوتاف نسوف غال تجموين دالخطر نومان مدوسين اقوان .
دقن دخ سالاعضاء نترباعت نقارابيلا دالبارود دم دمزوار المناسبات دلفراح اغلان دوزغار. دمجاهد النظام نلحبوس دلمحضار اتعمر وسان نالجمعة دايولو المناسبات نالخير . اتناف دمزوار العادة نالزيارة اتوسدج اش تفسوت تغردايت. دمزوار امرشدان نتوزى دصافا نتجموين دالمشاريع نتمجيدا غرس فوس دخ توزى نوحباس نلشبوراسقس 1995اساهم امرشيد نوحباس نموسى بوكراع تجم نتغردايت جار 2003 . 2005 العمرس اسقضعت اخدام نتزدايت دترسين اتناف وسان نوجال دونكاض جار اغرمان نتغردايت دمتليلي اتوسمى الشيخ نتزدايت.
اتناف دم اتقابل السياح دنجيوان اتاسان غال وغلان دترباعين نالاعلام امثل دزير اسقس 2003 تساشنت نمارسيليا المناسبة ندزير فرنسا. اساهم امرشيد نتدشلا ناروبا اوحافظ فالبيئة ينعر مناوت التظاهرات نوسلمد نونكال نتزدايت دوحسس سالقيمة نالبيئة دتمدورت توحديت مان اسقس 2006 اتوعين باش اديلي ددليل 250 نالشخصيات نتموار نالدنت دس الوزراء دالخبراء المناسبة نومرشيد نتري نتمورا نالدنت.
دقن سمجهدان الان اومنان سوخدام نالخير دعاون نمدان انجم ادخدم الاخرتس اوي ادس اقت تشموست غال تدرات ندم دم رب اترحم اوساع غفس ما نيلا .