ثمغارين انزيك ورعان تحبانت ثامورث وطهلاينت ذيس

ثمورث ثعز مليح غن لماليث أنس، الشياي نوفيث ورعان يلا ذي ثمورث انلوراس امقران، سيرتو ذثمرا انريس،إشمول، تاكسلانت، أولاد سي سليمان، نقاوس، كيمل،...ولباس نتمورا أقلا ورعان لماليث انس اطهلاين ذي ثمورث، سيرت الخلاث اقلا ورعان تحافظنت مليح فشياي وذلتانتش سالحاضرث أقلا ثلا ذي لمدينت، وبغير اتروح بعانتمورا ثتافذ الخلاث تمغارين انيغ تمزاينين اتكارنت زيك بشام أذسرقن اولي إي علوشن بشام أسرحن واذلفنت إثقوزاذ وأذسونت ثجرين وثمورا.
أقلا ازونت ذيسنت الخير امبطاطا الفلفل، الطماطم ، اومبعد أذقنت لفطور إدريث أنسنت بشام أذروحن أذقران وامبعد أذوجذنتى لغداء وأذرقنت غنتمورث خدمنت ذيس، رفذنت إيسغارن بشام أذقنت العافيث أذحمان وأذسومنت إيس شي يخسنت خاطر الغاز وليس ورعان أذخليظش غرسنت،وأذكلنت أس كامل نهنتين تقابالنت و طرنت ثامورث وخدمنت ثدارث اتزونت وبغير أزقنا نواس إترواحد مولا البيت وأذفظنت مايلى الخير اذلحشيش إقربد اوما يلا الحشيش يبعذ سرفنت لطور إيذ نرقازن بشام اذفطر ذأقعطيل واذسرن أولي وبغير ثاعشويث طول ادروح إيذسنت.
ولمعيشت نالدورا ذيس لباس أنلاسفرونس ماني الجيل نميرا أذتقاواش طول اتخذم وفالجال نشياي ألانت لباس انلعوايل أقلا حرصنت ذي الفيشطاث انيغ ذي أونبذو بشام اذاونت ذريث نالذريث انست أذقيمن غرسن ذي الدوار بشام اذثعلمن قلي سلخذمت نتمورث خاطر نتاث أقلا ثتوتشد الخير ذامقران.