العيذ انمحرم ذالفرصة ذي لوراس امقران الفرح واموقي نالخير والصيام

والفنت لعوايل انلوراس امقران اعيذ نواس امزوار نيور انمحرم ماني الانت العاداث انسن زيك اذمفاهمن قلي نرقازن سيرتو ما لان ذأوماثن انيغ ذي اعشرين وأذروحن السوق نالمال وأذسغن ايخف واثسلكن كيف كيف ومن بعد اداوينثيد سواس قبل وأسغرسن وأذمعاونن ذيس مليح وأومبعد اثبطان قد قد كل حد مت ازدرقا المكتوب انس والعدثاي ثتوسما ذي ثموث نشاوين «النفيقث».
النفيقث نتاث ثلا سي لعوايد نجزايرين زيك زيك ورعان اقميرا يا اقلا تحفاظن فلاس سيرتو ذثمورا نالدواور اقلا ورعان ثلا النيث ويعرم الخير ولانت ثمورا انلفلاحث،خاطر اجزايريين ورعان تقداس لشهار نمحرم ذشعبان اذرمضان وثقيم السيرثاي ثقور سي الجيل غالجيل.
لعوايل ثيط بغير اكملنت اذغرسنط مليح واسنترق المكتوب انس سقكسوم تقن فلاس ابربوش وعرضند لماليث انس وتمجمالن كامل فيشت نالسجن سيرتو يا اقلا يتيلي غرس الوقث ذامقران أذتملقانش وتافنت لعوايل ثيط الفرصياي انمحرم بشام اذداهرنت ادريث انس ويط اتقن لعراس وحتى الصلح جار يا أقلا الان اذلعذو بعيد الشر المهيم اس نمحرم لازم اذيلي افرح والخير ولهنا.
وستقاليد انوساي اموق نالحني اقفاسن ذي ظارن سيرتو ادريث امزيانن بشام ربي سحانو اذحن فلانغ وأغنرزق سالخير انملطر اذلهنا ولباس نتغاوسوين اقلا حلانت.
وكيعاد اس نمحرم ذالعطلة ألانت لباس انلعوايل اقلا تافنت ذيس الفرصة بشام اذصدقنت وأذسرينت الزكاة عن مامك نقار أسرين «لعشور» فالمال أنس غن السوارد أن أورغ نالخالاث أنسآغ يفرّن ، و بلا ما نتّو آزوم بشام ربي سبحانو اذيرضا فلاسن ولان يا اقلا تاويند اس ذين تولان فالفاميلت وسلساقن الصيلث نالحم جرثسن.