.. مملكة بن بونيا

(بعد وقوع مملكة بن بونيا في قبضة الشعب...مجموعة من المسؤولين يحتجون ويطالبون
بالحرية والديمقراطية والحقوق في ساحة القصر بمملكة بن بونيا حاملين للافتات سلمية وجريئة
بعدما نهب الشعب كل ممتلكاتهم عبر سنوات طويلة...)
حرية حرية...مساواة مساواة..لا لتعسف الشعب...لا للحقرة لا للحقرة...رانا ملينا
بركات..بركات..إرحلوا..إرحلوا
(فئات الشعب تقف على الشرفة ويتحدثون بالموازاة مع حراك المسؤولين...)
أحد أفراد الشعب: ماذا يريد هؤلاء يا صديقي المواطن؟؟؟
أحد آخر من أفراد الشعب: إنهم يطالبون بما يسمى بحقوق وحرية وبعض التخاريف الأخرى..
آخر: لا تقل لي تخاريف يا هذا...ماذا يطلبون بالضبط؟
أحد آخر: لا تقل لي يا هذا رانا كلنا شعب كيفكيف....
آخر: لا تنزعج يا صديقي...قلت لك ما ذا يطلبون؟؟
أحد آخر: إنهم يطالبون بتغييرنا....أقصد تغيير الشعب؟؟؟
آخر: هبلوا هذوا ولا كيفاش..الشعب مرة وحدة..
أحد آخر: راك تسمع كيما رانا نسمعوا كلنا..أنا نضن هبلوا هاذ المسؤولين يا صديقي..
آخر: رانا سمعناكم خلاص بركاونا من الصراخ، اليوم ما يسلكم حتى واحد، ومغديش نخافوا ربي
فيكم...وميهمناش رأي عام تاع الشعوب الأخرى...رانا درنا معاهم إتفاقيات بعدم التدخل فيما بين
الشعوب وسميناها إتفاقية شعب شعب...
أحد المسؤولين المحقورين: شعب فاسد...شعب حقار..شعب ياكل وحدو..نوضوا يا
مسؤولين..نوضو..نوضو..نطلبوا مساعدة مسؤولين آخرين..نطلبوا مساعدة مسؤولين آخرين...
أحد آخر من المسؤولين: أسكت نطلبوا حقنا بالسلمية ما نطلبوا والوا ..منديروش على المسؤولين
الآخرين لي خربوا وفسدوا بلادهم...
مسؤول آخر: نعم عندو الحق من حق المسؤول ياكل ويعيش ويسافر ويتفحشش كيما الشعب...
أحد أفراد الشعب: واش راك تقول ...تاكل يا وحد المحرض...مشي كل مسؤول لا زم ياكل
ويحوس ...فهمت ولا لا..
قطع..
(المسؤولين المغلوبين على أمرهم في مواقع التواصل الاجتماعي يتبادلون الأفكار قصد الخروج في
مظاهرة يوم الأحد حيث العطلة الرسمية لمملكة بن بونيا.
أحد المسؤولين: أنا لا أثق في قرارات شعبنا...يجب الخروج يوم الأحد...ونطالب برحيل الفئة
المنهكة منه..هي لي راهي دايرا كلش.
مسؤول آخر: لا..بل نطالب برحيل كل الشعب..يا هاذ الشعب والله ما يتسقم..نسيتو بلي هو منا
وحنا منوا ولا كيفاش؟
مسؤول آخر: والله لخرجنا خرجة واعرا يا محاينك هاذ الشعب كنا حاسبينوا منا وحنا منو ...أنا من
رايي...
(وقوع عطب في الكونيكسيون....)
مسؤول آخر: يا جماعة الخير بارتاجيو لوماكسيموم باش ميقطعوناش الكونيكسيون...ديرو جام..
مسؤول ثاني: عاونونا يا جماعة رانا في مأزق..الكونيكسيون راحت...
مسؤول ثالث: المهم يا جماعة غدوة كيما العادة في الوقت المناسب...
مسؤول آخر: سلمية سلمية يا جماعة...أحرزو...أحرزو..هاذ الشعب واعر..لازم منعطوهش فرصة.
بعد العطلة...
(قرارات هامة قدمها الشعب –في نظره-بعد حراك المسؤولين.. بعد تغيير شعبي بشعبي آخر في
حضور شعبي ثالث كذلك وبعد مشاورة لشعبي رابع تم الاتفاق على شعبي خامس يسير الفترة
السادسة والسابعة والثامنة و..و..و
(المسؤولين الرافضين لقرارات الشعب في صدمة...يتزامن ذلك مع توافد عناصر أخرى فاعلة في
المجتمع لمساندتهم أو لركوب الموجة)
مسؤول: من هؤلاء يا صديقي المسؤول؟
مسؤول آخر: بعض الفاعلين الواصلين متأخرين.
مسؤول: هذا وين يجوا هذوا...مين كنا أحنا هما وين كانوا؟
مسؤول آخر: ميهمش المهم نوقفوا في وجه هاذ الشعب المرّ
مسؤول: بصح يا خويا هذوا باينين بلي مشي صادقين معانا ومع مملكتنا.
مسؤول آخر: قلت لك ميهمش.. كل واحد يعرف روحوا
أحد الفاعلين: لازم يرحل الشعب...أكرهنا منه...إرحل..إرحل..
مسؤول: إرحل..إرحل ياه.
فاعل آخر: كلنا يد وحدة..مسؤولين وفاعلين...
(إجتماع للشعب بعد حراك المسؤولين والفاعلين وخروجه ببعض القرارات الهامة...)
الشعب: إخواني المسؤولين...إخواني الفاعلين...
يتبع...