عمرو أديب يعتذر للجزائريين : أنا آسف لأني عايز مصر تكسب

اعتذر الإعلامي المصري عمرو أديب عن إساءته للجزائريين في حلقة سابقة من برنامج "القاهرة اليوم"، و قال في خرجة جديدة له أنه لا يسعى لنشر الفتنة بين الشعبين المصري و الجزائري، بل يعتبرهما إخوة لا تفرق بينهما كرة القدم.
و علق عمرو أديب بقوله:"أنا قلت مرة أن اللهجة الجزائرية فيها كراهية ومن يومها وأنا متقطع على الأنترنت و اللي مستغرب له أن كتير منهم بيلوم عليا أني قلت هنغلب الجزائر على أرضنا ...هل فيه مواطن مصري في يوم ممكن يتمنى حظ سعيد للفريقين ..آنا آسف أنا عايز مصر تكسب.
و أضاف أديب : "لما اتكلمت عن المدرسين المصريين ماكنتش باعايركم لكن باستشهد بعلاقاتنا الطيبة ، أنا مواطن مصري عايز بلدي تكسب ولو فيه ستاد يشيل مليون مواطن هنروح ونشجع ..اللي قلته مافيهوش شئ يجرح المشاعر..دول عاملين صورة رابح سعدان على غلاف مجلة ومعاه حسن شحاتة لابس عروسة ...المعلم والحج حسن شحاتة يلبسوه عروسة على غلاف مجلة جزائرية؟.
الأفضل يكسب إنما أرجوكم أنا مش زعلان والناس على النت بتكتب علي الكتابة و بتشتم أبويا وأمي لكن ده قدر هذا البرنامج ، أنا جيت أرد و أقول ده كتير شوية وليه الكراهية دي والصورة دي تسئ الينا ولكن لا تسيء للعلاقات المصرية الجزائرية ...مصر أم الدنيا ترحب بكل الدنيا لأن طول عمرها بتحتضن الناس شوية ...أنا متعود على الهجوم لكن ماينفعش يبقى فيه تجاوز من الإعلام الجزائري والاتهامات للمصريين ولو هنفكر كده مش هنخلص".
و ختم أديب قوله :"شعب الجزائر شعب شقيق و أنا مواطن مصري وآسف جداً لأني نفسي بلدي تكسب وثقتنا عالية في أولادنا ومدربنا وجمهورنا".