الدم عمره ما يرجع ماء

خاوتي من الشرق للغرب ومن الشمال للجنوب مقابلة المغرب راها على الأبواب وشفنا بعض الناس ربي يهديهم حابة تشعل النار وتقويها، ناس حابة سيناريو مصر يتكرر·· ولهذا راني جبتلكم في موضوعي هذا ببعض الأشياء الي تبين بلي الي يجمعنا كثر ملي يفرقنا
ندعو كل واحد منكم يشووف هاذ الفيديوهات ويسمع هاذ الأغاني نهار كنا في عز الأزمة مع أشقاءنا تاع الشرق:
هذا فيديو لخروج الجماهير المغربية فرحة بتأهل الجزائر إلى المونديال
http://www.youtube.com/watch?v=fzYavMHqe2U
وهذي أغنية من أداء أنصار الرجاء البيضاوي فرحة بتأهلنا إلى المونديال
اسمعوا الكلمات
((لله يا جزائر والله عالم بينا نطالبوا ربي في الجنة يلاقينا ······))
http://www.youtube.com/watch?v=SBWvnk3p6J8&feature=related
فرحة الجمهور المغربي بهدف بوقرة (القهوة كامل تعيط وان تو ثري فيفا لالجيري ···)
http://www.youtube.com/watch?v=NjNwZk-Q84o
وهذا فيديو لخروج الجماهير المغربية في كازا بلانكا فرحة بتأهل الخضر ··
http://www.youtube.com/watch?v=mQd669YVRO4&feature=related
صحيح كاين فيديوهات عديدة فيها تطاول علينا بصح حنا نشوفوا للجانب الإيجابي بلي كاين ناس تبغينا فهاذ البلاد وما تبغيلنا غير الخير·
أنا جزائري ونفتخر بجزائريتي وبكل ما يرمز لبلادي لكن في نفس الوقت نحترم خاوتي المغاربة
كاين الي يقولي شوف راهم يسبونا ولا يطيحوا بينا، نقولوا يا أخي العزيز مشي قاع كيف كيف ···
أنا هنا جواريني مغاربة، واصحابي جدودهم مغاربة، والعائلة نتاعي متصاهرة مع المغاربة
وما شفت منهم غير الخير ····يرحم والديكم ما تجروش شعب كامل على غلطة تاع 10 ولا 20 ···
مرحبا بيكم خاوتي هنا ف الجزائر ومشي الجزائري الي يحاوز ضيوفه·
* العضو بومدين/ منتدى كرة جزائرية