05 باسم الله بديت

- أسمعت قر الحمام في قاعة السجنة لا من عطاه الماء لا من سقاه اللفظ. يا قمر الحمام يعيا يحن للحنين، ونعمر اقبوشه الماء وانعودوا لزمانا كيما كنا.
- جزت على باب دارنا صبت الناس الملاح رقود أتنهدت الدالية واتخلخل العنقود قال: يا هلال تكشف قالوا النجوم ذنوب خلو القلوب تهنا هذا الشيء بالمكتوب .
- خرجت من فاس دايرة الداح والمقياس وازويجة مالخراص هددت وذنيها اللي عندو نقش الريال يجي يديها واللي معندوش يقعد يقابل فيها.
- خرجت بدر البدور تتزعبل والدور تلقت ذوك الشعور زادو لي حالي نطلب ربي الحنين ما يجي العام يدور حتى أنكون في بيت مع غزالي.
- خرجت للسطح نفضت زربية جازو ثلاثة عزاب علي، الأول بعثوا الملك وقالوا نبغيها، والثاني بعثوا السلطان وقالوا نكسيها، والثالث بعثوا لحبيب وقالوا انمون عليها وغير هي اللي نديها.
- راني في وسط جناني السر والبها ريتو بعياني، راني حالف هذه المرة ما نأخذ غير البرانى.
- اسمعني يا حمام، طير لا ترتاح، وانزل فوق السطح العالي، وفوق شجر التفاح، روح لحبيبتي بنت الناس الملاح، قولها قلب حصل عندك وما لقيتلو مفتاح.
- بيدي قطعت اللحم وعملتوا في النار، و بوذني سمعت الكلام وعرفت الغدار، وقتاش يتلم الشمل ونبنيوا الدار.
- يا شمس واش بيك ذابلة، إلا بيك على الزين راني عليك نهدر، وإلا بيك على الزواج غير أنتي اللي نديك.