بوقالة سكوب

برج الحمل
- يا اللي زايدة في عذابي في النهار أنومك وفي الليل نترجاك أعطيني كلمة من فمك يرحم اللي رباك.
برج الثور
- نسول عليك يالحبيب والسوال خير من ألف هنية ساعة على ساعة نفكر في الزمان ونقول علاش ألي تمنيتو ماهو ليا.
برج الجوزاء
- خرجت وحدي في الليل وخرجات الليل صعيبة انسيت المحنة والويل اتفكرتك انت يا الحبيبة.
برج السرطان
- حب الملوك جاني مغلف في اوراقه أنا وحبيبي في بلاد واحدة والقلب مشتاقه.
برج الأسد
- عديان الجبال خطبت بنت الرجال والي يقول كلمة في البنية عند الصبح تبان.
برج العذراء
- حليت باب الجنان لقيت الملاح رقود تنهدت الدالية وتحرك العنقود قال القمر فالسماء نكشف على السحاب يذوب خلي الحبيب لحبيبو واللي في قلبو حاجة الله يبلغ المقصود.
برج الميزان
- نزلت لقاع البحر خرجت لي جنية قالت لي وشبيك يا لالا مهمومة تكلمي افتحي قلبك ليا قلت لها يا مولاتي هذاك حبيبي أداوه عليا قلبي معاه وقلبو معاها هيا.
برج العقرب
- يا لي جايا من العين وبيدك مليتي السلة سبحان من أعطاك أزين وزاد في بهاك ذيك الحلة.
برج القوس
- النور يا النور والنور عينيا طبطبوا على الباب وجابو لي اللي عزيز عليا راني نتمنى من ربي يجي يطلب يدي من ماليا.
برج الجدي
- جاز عليا شباب في يده منديل ازرق وشاشيته معنقرة ولبسته تبرق عليه نسمح في الولد وعليه نطلق وعليه نخلي البلاد ونردها خندق.
برج الدلو
- الشمعة يا لشمعة يا لشمعة الضواية لو كان نعرف وشبيك نمسح هذيك الدمعة من خديك ونرد وجهك مرايا يا ربي يا معبود اقبل دعوتي يرجع لي زهو الزمان ويعيا الحبيب قاعد معايا.
برج الحوت
- اطلعت للسطح وفرشت زربية حرقت حر قوس الذهب وحرقست عينيا أفرحي يا يما سعدي ولا ليا نستشفي فالعدو كما استشفى فيا.