الشيخ بانوح انعزام انوغلان

الشيخ بنوح بن احمد بن مصباح ابلولد اغرم نتغردايت اسقس 1909 اتشرد سمزي اماس نقت تواشولت انوعزام دالقران اتشرد اغرم نالبرج يد يواس مان يرني دس اعزامس يحفظ القران العمرس سز نسقسان.
اسقسان نالعشرينات اتوعين باباس الحاج احمد دالقاضي نتموسني نقسنطينة اعاش دس الشيخ بانوح يبي يغلب سالتجربة دالتربية نباباس ادوخدامس. يعزم دن لشيخ محمد شريف اقن سنعزمان نقسنطينة ختن ايتوغ العمرس 14 نسقسان اتووزان ادعزم المعهد نالامام عبد الحميد بن باديس قسنطينة.
بعد ايقدى اعزامس قسنطينة يدول غال وغلان يوتف الحلقات نالشيخ احمد قزريط تدارت ننعاليف اغرم نتغردايت اولماد نالنحو دالفقه .اسقس 1927 اسافر يد البعثة نات اغرسان غال الزيتونة تونس دفر ايملاش يرني دنعزامس سوفوس نمناو ننعزامان دمقرانان اناالشيخ محمد حفيظ دالشيخ الفاضل بن عاشور دالشيخ الزغواني دالشيخ محمدالعنايبي…
اسقس 1932 م اعاود اوط غال وغلان مان اتوعيان اسقمو نعزابان يد احمد قزريط ادعبد الله بغباغة اديوسف بافولولومان اسبل تمدورتس اوخدام نالمجتمع اوش نالدروس تمجيدا دواعظ مع اقابل لمور نتمجيدا.
دفر ايسقضع مناو اسقسان يدول غال تونس فتبجنى نقت ترباعت ننلمادان اموني جار اسقس 1934 م دسقس 1940 م.
اسقس 1942 مع الحرب العالمية فيدسنت اعاود يدول غال وغلان يوتف تدشلا نالاصلاح اعافر يغلب يد توات ا اسلفد اوسقم نتمدورت اقابل اقن سغربازن اوسلماد نمزانانالقران افغند اسس مناو ننعزماناناالشيخ سعيد بن موسى كربوش ، عمر بن صالح الشيخ صالح ، محمد بن سليمان بكوش ، ويحيى بن محمد بكوش ، إدريس بن سعيد أعوشت .صالح بن إبراهيم باجو.داود بن محمد كربوش . إبراهيم بن سليمان الميت .
اتوسان تدشلا نالاصلاح سوخدام دوعافر دوبدي فلمور نتمجيدا انلحسابات مع اعمر نتمجيدا دواعظ دوسعزم افسر مناو السور نالقران اضحى سالوقتس دتدارتس باش ادخدام اوسوظ نالامانة نالدين اولغس ابدي ازجن انوبريد .
الشيخ بنوح دقن المثال نمقرانان دغسان اضحان فنجال نالمجتمع اولدقيم يغلب اسسان امارو اغلان .
اسن الأربعاء 19 ربيع الثاني 1427 ه 17 ماي 2006 م اويت يوش امقران غال الرحمتس .
تغردايت: الشيخ باعلي واعمر