محياوي وعقلية "البودي قارد"

شاهدت أعين زيط بيط التي كانت موجودة بمدرجات احمد زبانة، بمناسبة المباراة التي أجريت بين مولودية وهران وجمعية الخروب، رئيس الحمراوة "السي نا.. طور" والملياردير الطيب "مح.. يا.. وي" ملتفين حوله 5 نتاع "البودي قارد" ما شاء الله، وين يروح يروحو معاه يعطس يعطسوا معاه ... ولم تتوصل خبارجية نتاع يا وعليكم إلى السبب الحقيقي الذي دفع بالسي السي نا ..طور إلى الاعتماد على 5 "بودي قاردات" ضربة واحدة، إلا أن خبرة زيط بيط في مثل هاته القضايا والأمور، جعلته يتوصل إلى الأسباب الحقيقية التي جعلت الملياردير مح ..يا..وي يلجأ إلى "ليفيدار"، وهي أولا، السيد راه خايف من الحمراوة إلى يخسر هذا الماتش يطيحو فيه ويصراله كي عام جمعية وهران، ثانيا، راه خايف من جماعة الآفلان والتصحيحين إلى يخرجوله من وسط الحمراوة ويخلص بنتها وبنت بنتها، والثالث اخويا، راه دايرهم برييستيج قدام العديان، على خاطرش الشير يبيع كراريس وراه "سي.. نا.. طور" وزيد راه رئيس نتاع الحمراوة ومازال الخير القدام.