أصابع المرقاز بالدجاج

هذا الطبق لذيذ جدا وفكرته جديدة والمقادير بسيطة: نحتاج مرقاز + قطعتين دجاج صدر

1-حطي المرقاز في مقلاة وبدون أي إضافة خليه يطيب في الشحم اللي فيه بعد ما يذوب.
2- حضري البيشمال بوضع ملعقة كبيرة مرغرين + ملعقتين فرينة + 2 كاس حليب وملح خلطي وحطي على النار مع التحريك المتواصل ولما تثقل اضيفي قطعة جبن + حشيش مقطعة وحركي بسرعة حتى تندمج المكونات.
3- ارحي الدجاج بعد نزع العظم وتبليه بملح فلفل اسود ثوم كمون ابسطيه فوق نايلون وغطيه بالنايلون وحليه بالحلال.
4- اقسميه حسب عدد المرقازات اللي عندك اطليه بالبشاميل.
5- حطي المرقازات على الحافة
6- لفي الدجاج على المرقاز به.
7- ضعي القطع في صحن وكملي الصف الثاني والثالث.
بللي اصابعك بالماء واغلقي الجهتين
8- اخفقي بياض بيضة + ملح + فلفل اسود اغمسي فيها الاصابع ورمديهم في الفرينة ثم ضعيهم في الثلاجة .
9- حضري الصوص في قدر حطي قطع الدجاج + ملعقتين زيت + ورقة رند + ثوم + ملح فلفل اسود كسبر +ملح. قليهم ومرقي بكاسين ماء وخليه يغلي ربع ساعة .
10- اقلي الاصابع.
11- اضيفيها للصوص وخليها على نار هادية وقبل التقديم أضيفي خليط الصفار والفرينة وحركي لكي تعقد الصوص.
12- قدميها مزينة بشرائح الزيتون الاخضر والقارس والمعدنوس او الكسبر.
فلان الطبقات
المقادير: 2 بيمو شوكولا، علبة ونصف شوكولا بالمكسرات، لتر ونصف حليب، 3 ملاعق كبيرة نشاء.
3 أنواع فلان بأذواق مختلفة (فراز، فاني، شوكو)
2-فتتي البسكويت مليح
3- ذوبي الشوكولا على حمام مائي + 5 مغارف كبيرة ماء مغلي وفرغيها على البسكويت وخلطيه مليح.
4 - فرغيه في مول (نعملو ورق الشمع في الاسفل حتى يسهل حمله بعد قطعه.
وندخلوه للثلاجة حتى يجمد.
5- حضري الطبقة الاولى وهي عبارة عن فلان فراز حضريه بالطريقة العادية في نص لتر حليب مع اضافة 2 مغارف نشاء حتى يثقال. نحرك على النار ولما يخثر افرغيه على طبقة البسكويت. ونعيده إلى الثلاجة حتي يبرد.
6 -حضري الطبقة الثانية بالفلان شوكولا بنفس الطريقة وفرغيه على الطبقة الثانية وارجعيه يبرد.
7- وآخر طبقة لفلان فراز حضريها بنفس الطريقة نخلوه حتى يبرد وفرغيه على الطبقة الثالثة، للمرة الاخيرة يدخل للثلاجة، ويبقى 3 ساعات على الاقل.
8 - نحيه من المول وقطعيه مربعات وزينيه بأي نوع من المكسرات.