يا ناسي تاريخنا تعيا وتدور

صلى الله على البشير المنصور ألي يهرب ليه محفوظ ومستور مزين هذا اليوم بروايح وعطور أهل الحرمة والشنا صيفة لطيور مرحبا بقدومكم بدوي واحضور من القعدة لعمالة أوراس المشهور معين من طرف مصطفى مأمور ناسي تاريخنا تعيا وتدور جزائر تاريخها من عطر الحور ننسى شهيدنا قايد مشهور صحافة واعلاه دارتلو محضور في المذياع ما هوشي مذكور تاريخ أجدادنا ما هوشي زور ولي نشكي متعدم مضرور على زيان الزين أنبحّث واندور لا تنسوا عقيدنا بيه فخور أمن وجيش أولادنا وراهم حضور ذاهو تاريخنا يسطع بالنور ما يخطيش الذاكرة ورد وزهور الرجعي في أوكارنا موحال يدور في ثورة نوفمبر كنا صخور حلف الأطلسي من الثورة مقهور في الصحراء لهيب الثورة منشور شوفوا ذا ديغول بجيوشو مغرور ركعنا ديغول أتكلم مقهور هاذي خصايل جيشنا دايم منصور ياكاتب تاريخنا آرواح وزو في البيض أولادنا ماتت بالكور كي تنظر لحوالنا تبقى مبهور بيا ضيقة روح مشطور ومحقور أنوكل ربي الرحيم الغفور المدرسة والطرق منها مضرر الطفلة والطفل الخاطر مكسور سيد الرايس نح عنا هاذ الجور بوتفليقة راه متحزم ويدور الجزائر بولادها رجعت للنور نحوها من برنا لورى لبحور ماتنسوا أوكار الثورة وبرور أطلبنا قادتنا أهل الأمور يجفظهم ربي يدير عليهم صور يحيوا هذا الوطن يرجع ليه النور أرحم ياربي فايلها عاشور بصلاة الرسول نختمها بعطور تمبنا الأبيات أبفرح وسرور لحبيب المختار أهربت أتوالوا يسعد في الدنيا والاخرى تزهالوا حضروا فيه أبطال من خير آرجالوا يحيوا في التاريخ ذكرى لجيالوا البيض شرفتوه الفخر ينالوا قايدهم زيان قا م بنضالوا أب الثورة راه جاهد بموالوا تخسر في لافير ما تربح والوا عطر الجنة في الشهيد إينالوا تاريخو لجيال عليه يسالوا في الشاشة ممنوع ما بان خيالوا واعلاه الجرنان أخفى ما قولوا الوطاني موحال يذهب من بالوا طال الحال وطال وضاقت أحوالوا للوالي نهدي سلامي وارجالوا فرسان الندهة هو وامثالوا والشعب الكريم تعجب خصالوا ضاوي في الظلمة كامل بهلالوا بالدم أسقيناه يشهد جلالوا ومراكز الجيش راهم مازالوا خايف من عاشور بجيوشوا جالوا بفرسانوا زيان رافع مشعالوا إيندّه في جويف شينين أمثالوا من خوف الثورة وذهبت آمالوا حطاّم الأحلاف للفجر أجيالوا مراكز الجيش تشهد بعمالوا نابالم والغاز ما خلف والوا والبيّض مردوم في وسط اجبالوا حقي ضايع ما قدرتش نصفالوا ألي يهرب ليه تتفد أحوالوا سيارة لسعاف ما كاين والوا حقوا في التعليم ما صاب أكمالوا وأحمي هذا الوكر وأتفكر حالوا حب أبلادو راه ما يخطي بالوا على العكرية فرنسا راهم صالوا جابوا الإستقلال وأحيات اجيالوا وأهل البيض دايما عنهم سالوا مفاتيح الخير أعليهم فالوا يجعلهم مصباح ضاوي بهلالو باعلم ايفيدوه تسعد أطفالوا وأدعو لو بالخير يتهنى بالوا صاحب الفرقان والبيت وآلوا بينا حب الوطن قايضنا حالو.