ديوان الصالحين

يا ديوان الصالحين يا ديوان الصالحين يا ديوان الصالحين على ربي والوالدين
*
اسمعوا يا أهل الدوار هاذي آخر الأخبار
*
بداية من هذا الشهر تتبدل القوانين
*
*
بعد طول الانتظار راهم صدروا القرار
*
باه يردوا الاعتبار للشيوخا نتاع لاكومين
*
*
في عوض الصلاحيات زادولهم الصاليحات
*
واعطاو الاولويات للطاي طاي الطاي فين
*
*
او قالك بلي السياسة راحة تولي فيّد النسا
*
بلاك ايصيبوا عفسا يسلكوا هاذ الحاصلين
*
*
اما بالنسبة للرجال شافوهم بلي محال
*
ينجحوا في ذالمجال ويكونوا مسيرين
*
وزادوا عطاو الصلاحية للسكان تاع الناحية
*
باه يعودوا يراقبوا الحية ويحاسبوا المنتاخبين
*
*
او قالك حتى المواطن لازملو ايولّي فاطن
*
يشوف الظاهر والباطن واشي راهم عاملين
*
*
وزيد حتة مالبلدية اتدبر راسها فالمالية
*
تولي عندها استقلالية صايي حنايا خاطيين
*
*
تتعامل مع شريكة سوسيتي ولا فابريكا
*
ولا حتى تروح لهيكا لبلديات وحدوخرين
*
*
وقالو المير يوّلي يحلف باليمين قدام المصحف
*
ما يسرق ولا يخطف كيما حلفوا اللولين
*
*
زيد الوخدة زيد الورطة سيد المير زادولو نقطة
*
يعود هو يحكم فالشرطة ويسيرهم كاملين
*
* نكت
*
الأعمى
*
قالك واحد أعمى متسول كان يطلب ويقول : لله يا محسنين . جاء واحد قالو : واش يضمن لي بلي أنت أعمى؟
*
قالو : راك شايف هاديك الحجرة لي قدام الطريق؟
*
قالو : إيه راني شايفها .
*
قالو المتسول : أنا مارانيش شايفها !!!
*
إيمان من بومرداس
*
*
الأدب
*
واحد اخترع حبوبا للحوامل باش المولود يطلع مؤدب، وكل مولود فعلا طلع مؤدب، الا وحدة خذات الحبوب بالزيادة وماولدتش في الموعد المحدد، راحت للدكتور عمللها القيصرية .
*
لقي توأم كل واحد يقول للثاني : اتفضل، الثاني يقوله : لا اتفضل أنت، لوخر يقوله : والله ما صرات غير انت الأول ...
*
مرزوقي محمد إقبال
*
*
العجايز
*
زوج عجايز حطوا إعلان فالجريدة يقول : تزوج واحدة والثانية مجانا !!!
*
حسام بن ساعد من المدية
*
*
السارق
*
المحامي : إن موكلي بريء يا سيدي القاضي ولم يسرق شيئا .
*
القاضي : ولكنه هو بنفسه اعترف بالسرقة خلال التحقيق مع .
*
المتهم : يا سيدي القاضي هل تصدق سارقا وتكّذب محاميا !!!
*
محمد إقبال م من بوسعادة
*
*
التركة
*
الجار : لقد كان زوجك المرحوم من أعز أصدقائي يا سيدتي فأرجو أن يكون قد ورثني شيئا من تركته لأحفظه به كتذكار صداقة عندي .
*
الأرملة : ( بحزن ) رحمه الله، المسكين لم يترك شيئا غيري !!!
*
محمد إقبال مرزوقي من بوسعادة
*
* المجانين
*
ثلاثة مجانين اتفقوا على الهروب من المستشفى، فدبروا لقتل الحارس، وعندما حان وقت الهروب لم يجدوا الحارس فقالوا آه لقد فشلت الخطة . حسام بن ساعد / المدية
*
*
الخطابة
*
إذا تقدم رجل لامرأة ليخطبها وكانت في العشرين من عمرها سألت في هدوء : كيف هو؟ وإذا كانت في الثلاثين تساءلت باهتمام من هو؟ أما إذا كانت في الأربعين فتصرخ أين هو؟
*
إيمان من بومرداس
*
*
الأرانب
*
واحد صاحب عندو مزرعة جزر وقدامو مزرعة ارانب، كان كل يوم يجي يلقى الأرانب كلات الجزر كلو، وهكذا كل يوم. قرر يروح لمزرعة الارانب وجاب شاقور وكسرلهم كل اسنانهم. من غدوة لقى الجزر كيف كيف كلاوه. راح عند الارانب ومسك واحد منهم وقالو وين راه الجزر. قالو: درناه عثير وثربناه .
*
سارة من الجزائر
*
*
الموبايل
*
واحد قال لباباه : بابا شريت موبايل، قالو باباه : ايه مليح امالا تدينا نحوسوا !!!
*
فيصل من الجزائر
*
*
الدراسة في الخارج
*
واحد قال لباباه : بابا راني حاب نكمل قرايتي برّه، قالو : وين راها المشكلة، قول لأمك تفرشلك فالحوش .
*
سارة من الجزائر
*
*
الدجاج
*
زوج جاجات كانوا فايتين على مطعم، وكي وحدة شافت الجاج يتحمر قالت لصحبتها، شوفي شوفي ولينا نشوفوا بعينينا وساكتين .
*
عبد اللطيف من البليدة
*
*
الحمار المحترف
*
قالك واحد الحمار راح لدار عمو الحمار شاف صورة الحمار الوحشي معلقة فالحيط قالو : هذا شكون؟ قالو : ياو هذا عمك كي كان محترف مع جوفنتيس
*
علاء غربي
*
*
شفاء الحذاء
*
قالك واحد الراجل حابس، تقطعلو الحذاء نتاعو، اداه عند الاسكافي خيطهولو، ومن بعد كي فات شهر نحالو لخياطة عمبالو برى !!!
*
أنور شنوفي
*
*
هات وهاك
*
قالك واحد المرأة دايما تقول لزوجها: هات نشري الصابون، هات نشري الخبز، هات هات هات... امالا واحد النهار قاللها: تعرفي غير هات هات، عمرك قلتيلي هاك.. والله لو كان تزيدي تقوليلي هات غير نطلقك، امالا كي دخل للدار قاتلو هاك عبي القرعة نتاع الغاز.
*
شيماء بلعيد
*
*
لفكارن
*
واحد النهار ثلاثة فكارن ( سلحفاة ) تفاهموا يعملوا تحويسة لتونس ! أيا تسعة سنين أو هما يمشوا وكانوا رافدين معهم قرعة ڤازوز .
*
لحقوا للحدود تاع تونس نساو باسبورات تاوعهم! قاللهم واحد: انا نرجع للجزاير باش نجيب الباسبورات بشرط ما تشربوش الڤازوز، قالوا: لو عندك 20 سنة في يدك قاللهم: صحا... بعد 18 سنة كرهوا من الانتظار امالا واحد قال لصاحبو: آيا نفتحوا قرعة الڤازوز .!! كي جاو يفتحوها خرجلهم مور الشجرة وقاللهم : علا جال هاذ العقلية ما حبيتش
*
نروح .
*
*
كشف الكذب
*
واحد ألماني اخترع جهاز قياس الكذب، وحب يجرب الجهاز، راح جاب واحد ياباني، واحد انجليزي، واحد امريكي أو واحد من تاوعنا، امالا قعد الياباني وقال: راني نفكر نعمل مكتبة تطير، زمر الجهاز "كذاب" وحاوزوه، وقعدّوا الانجليزي وقال: انا نفكر نعمل حذاء فيه هاتف محمول، فزمر الجهاز "كذاب" حاوزوه، من بعد قعدّوا الامريكي وقال: انا نفكر نعمل حذاء يمشي وحدو، زمر الجهاز "كذاب" حاوزوه، قعدّو خونا الجزايري، وقال: أنا راني نفكر.. زمر الجهاز "كذاااااب"، "ماكانش يفكر".
*
عبدو من الجزائر
*
*
الديك والدجاجة
*
الديك قال للدجاجة : أنت كيفاش تستفادي؟ تجيبي البيض والناس ياكلوه، قالتلو : كيما أنت تأذن وما تصليش واش تستفاد؟
*
ياسين من الجزائر
*
*
" آ دومان "
*
واحد حابس قال لصاحبو : اسمع واش معنتها " آ دومان " ، صاحبو قالو : غدوة، قالو : لا قولي دركا .
*
*
الوسطاني
*
قالك واحد حابس راح للبلاد ( للريف ) تصور بين زوج حمير وبعث التصويرا لصاحبتو ... وكتبلها ملتحت ملاحظة قاللها ( انا راني فالوسط ) !!!
*
جلال بوديس من العاصمة
*
*
بوكريشة بوان كوم
*
السلام عليكم يا سي بوكريشة، وين راه ثالث أكبر مسجد في العالم؟ عندنا شحال ملّي سمعنا بيه بصح ما زال ما شفناش الخطوة الأولى في بنائه؟
*
إيمان من الجزائر
*
الرد :وانت علاه؟ ياك النسا يصلوا فالديار، اما بالنسبة ليا أنا راني نشوف الجامع الصغير نتاع الدشرة ما تعمرش ولاه نبني مسجد كبير !!!
*
*
السلام على السي بوكريشة المبجل، انا خوك عبد الرحمان من العاصمة حبيت نسألك واش رايك فالقانون نتاع البلدية الي يعطي الأولوية للنساء فالانتخابات والعضوية وعادوا يقولوا معشر الشباب هل هذا بسبب كثرة النساء على الرجال؟
*
الرد : حتى بكري كي كنا خمسة وسبعين بالمئة شباب كانوا يقولوا معشر الشباب وكنا نشكلوا الاغلبية بصح ما دخلوناش فالسياسة !!!
*
*
السلام عليكم يا السي المير، انا محمد من العاصمة تاجر متجول راهم حاوزونا وما خلاوناش نبيعوا فالزنقة، واش نعملوا في رايك؟ نروحوا نسرقوا ولا نبيعوا المخدرات؟
*
الرد : الي ختار يبيع فالزنقة وما راحش يسرق ما نضنش يسرق لما يحبسوه، والمثل يقول الضربة اللي ما تكسرش ظهرك تقويه، اصبر راه يفرج ربي .
*
يا السي بوكريشة قولي بالله عليك واش رايح يعمل بن شيخة فالماتش الجاي، زعما يحل المشكل تاع الهجوم ويلقى (لاطاك) على خاطر حنا عندنا غير (التيك) وتخصنا (لاطاك) باه تولي عندنا لاطاكتيك؟
*
خالد من بومرداس .
*
الرد : ياو ما عندنا لاطاك ماعندنا لاطاكتيك وهذاك ( التيك ) الي راك تتكلم عليه راه نتاع البوليتيك برك .
*
*
يا السي بوكريشة أنا سليمان من بودواو راني حاب نتزوج بصح المشكل هو السكن الي ماعنديش، كاش ما تشوفلنا ( سوسيال ) عندك .
*
الرد: ياو السوسيال الي كاين اداتو مدام دليلة، وأنا بروحي مانيش ضامن بلاستي ونظن رايحة تزيد تديها مدام دليلة وتعود اللعابة دليلة والرشامة دليلة وتدي البرطما والفيلا والرجالة تصبح ڤلّيلة وما بيدها حيلة.
*
*
نشرة الدشرة
*
السلام عليكم مشاهدينا الكرام ومرحبا بكم في النشرة الرئاسية مباشرة من تلفزيون الدشرة .بعد البرنامج الواسع الذي سطره السي بوكريشة في سبيل القضاء على السكن الهش والبناء الفوضوي وبعد ترحيل الآلاف من العائلات الى سكنات لائقة واسعة وجميلة، ها هو اليوم السي بوكريشة رئيس المزلش الشعبي البلدي ينتقل الى برنامج آخر لا يقل أهمية عن البرنامج الأول، ألا وهو برنامج القضاء على السوق الفوضوية كما وصفها تخامته، حيث شرع اليوم بالتعاون مع أعوان أمن الدشرة في ترحيل الباعة المتجولين الذين أصبحوا منتشرين في كل مكان وزمان، ولم يتركوا رصيفا ولا حديقة عمومية ولا جدارا او شجرة أو عمود انارة الا وعرضوا عليه سلعهم المختلفة من مواد غذائية وملابس وأواني منزلية وهواتف نقالة وسلع اخرى مناسباتية وغير مناسباتية مما شوه صورة البلدية وجعلها تبدو سوقا فوضوية وسببا لتخامته الاحراج أمام السواح والاجانب .
*
هذه الصور اللاحضارية وغير اللائقة جعلت السي بوكريشة يخرج عن صمته ويقرر حضر التجوال بالنسبة للباعة المتجولين، ويمنع منعا باتا البيع والشراء في الاماكن العمومية غير المخصصة لذلك، أو المتاجرة بدون السجل التجاري مما أضفى على أرجاء المدينة نوعا من الهدوء والسكينة والجمال كذلك بعد مغادرة أولئك الباعة أزقتها، وفيما يخص مصير الباعة من شباب وشيوخ وأطفال ونساء كذلك كانوا يقتاتون من هذه التجارة ويكسبون منها لقمة عيشهم، يقول السي بوكريشة بأن عدم توفر مناصب شغل لائقة ليس سببا يجعلنا نتاجر بطريقة فوضوية لا يعرف فيها المشتري البائع ولا يعرف حتى نوعية السلع المعروضة لديه وتشوه صورة البلدية، وتحسبا لأي طارئ قد يحدث على يد أولئك التجار كانتفاضة منهم على تجارتهم أو في حالة توجههم إلى ممارسة السرقة من أجل الحصول على لقمة العيش، يقول السي بوكريشة بأن مصالحه قد اتخذت كل الإجراءات اللازمة من أجل مواجهتهم وقمعهم ومن بينها تحويل أعوان الحرس البلدي إلى شرطة جوارية، وتوظيف أكبر عدد ممكن من أعوان الأمن البلدي، وكذلك بناء السجون وتوسيعها من أجل استقبال كل من أراد الخروج عن القانون أو تشويه صورة البلدية أمام السياح الذين أغلبهم قادمون من الصين الشعبية المعروفة بالأسواق الفوضوية .
*
نهاية النشرة قدمناها لكم من تلفزيون الدشرة، وللمزيد من الأخبار زوروا موقعنا الكسروني على الترنيت .
*
*
مشاركة
*
الثقافة في البلدية
*
راني نكتب للجرايد نهجيهم بشوي قصايد
*
والحالة كيما لعوايد دايم هاك متالبين
*
مضاربين بالفوضى والحس في صراع مع ذالمجلس
*
والدعوة ما بغاتش تحبس هوما راهم باغيين
*
قالو انت امي متخلف في بالنا ماكشي مثقف
*
والله غير تعشي مكتف كيما راحوا اللولين
*
ثقافتنا سكنها جن سحروها ولات عفن
*
اشهدو يا اهل الفن وعلاه راكم ساكتين
*
المثقف راه يقاسي ما عارف كيفاه يواسي
*
واذا قال كلام يباصي كامل ضدو واقفين
*
الثقافة في البلدية بالرشوة والمحسوبية
*
واذا انت تمشي بالنية يخرجولك خاينين
*
اذا قال المير وصلني غي ارواح وراك مهني
*
في حياتك وشتا متمني في خدمتك ساهرين
*
والمشروع انتاع طريق صفقات تاع التنوفيق
*
المقاولين بالطراطيق والتزوير موالفين
*
اذا عجبنا ذ المشروع من ذوكا راهو مبيوع
*
يتنفذ هاذ الاسبوع نديرو جلسة كاملين
*
ما خصتناش الثقافة بعيدة علينا في المسافة
*
خليكم من ذ الخرافة كونو شويا فافايقين
*
الدعوة عادت جيوب والثقافة الكل عيوب
*
غيرولنا هاذ الاسلوب احنا مناش واصلين
*
الثقافة كي راها تشف شدوها ثاني بالعرف
*
خلطوها نية بالهف بلا مانذكر باينين
*
كلمات : هلالي محمد من ثنية الحد