بوتفليقة يذبح الفلوس..!

اشتكى بوتفليقة فلوسه بن فليس لوزير الخارجية الاسباني وصرح له بأن هذا المرشح يهدد ابناء الولاة ورؤساء الدوائر وحتى يمكنه ان يثير العنف
قاطعه الاسباني ...يا خويا عزيزو السياسة تاعكم واعرة ما فهمت فيها بُنت
رد عزيزو واثقا ...ياخويا خوسي والله خليناهم يلعبوا شوية حبوا يأمنوا صح
ضحك خوسي وقال ...كيفاه ماقدرتش على هذا الفلوس ياخي في 2004 دمرته.
جابوه سيدي عزيزو ..كل وقت ووقتو راك تشوف يا خويا السبنيولي حب يزدم في حيط ولا يدري أن السياسة عندها أصول وماهيش صندوق وفقط على كل حال راك تريح معانا وتشوف
قاطعه خوسيه ...والله يا خويا عزيزو غير عندي عرس تاع الفاميليا لازم نروح ونولي من بعد ما تفروها
رد عزيزو غاضبا...لا والله ما اصرات اش هذا لازم تحضر معانا الانتخابات وتشوف بعينك الديمقراطية تاع العرب
قهقه خوسيه مانويل غارسيا مارجالو وقال مصطلح جميل هذا تاع ديمقراطية العرب ولكن واش قلت اسيدي عزيزو لوكان خليت الفلوس ولا الحنونة ولا حتى الرباعين يتريسو يا لوكان نهار باش يشوفو النار تاع الحكم
رد عزيزو ..لا يا حبيبي هذو خليناهم يشاركو فاللعبة تاع الانتخابات حبو يدوروها غربة كيفاش لوكان يريحو على الكرسي تاع المرادية ما فراتش.
قال خوسيه ..لكن يبدولي الفلوس واعر وراه معوّل
تظاهر عزيزو بالضحك وقال والله والو شوف برك انتوما كنتم تحسبون برشلونة بعبعا هاهي قهرت وصارت مغلوب على أمرها
ضحك خوسيه وقال ...عزيزو خويا راك تبع البالون اعلاش يقولو عليك مريض؟
قهقه عزيزو عاليا وقال ..العديان يا خوسيه خويا ما خلاوش فيا
نهض خوسيه من كرسيه وودع عزيزو وبقاه على خير وقال له نروح للعرس ومن بعد نولي ان شاء الله نلقاك رئيس وما تنساش تذبح الفلوس.