صوريا بوعمامة جنية خرجت من قاع البحر وقالت.. اسمك ثقيل ما هو خفيف، ولمتك كبيرة وبالترنديف، بصح كل وزير يجي لعندك خصّوا تعريف، خبريه علينا وعلى الزوالية يا صوريا.. يا بنت الريف! * ريان * بدر البدور خرجت من دارها في لامان، قالت يا ناس حبيبي مودّر عليّا من زمان، سألوها شكون هو؟.. قالت ماهو لا فنيان ولا عيان... حبيبي يشبه بزاف للأسمر ريان، قالو لها الله يبارك يا بدر البدور زين ما اخترت، بصح مال حبيبك ديما نعسان! * * عثمان عريوات * في ذيك اللمّة الكبيرة، جاو الناس رجال وبنات، قالوا مخلوف البومباردي يا جماعة عاد للحياة، الوقت فات.. الناس كرهت واللمّة تفرقت، وعرفنا جميع بلي (سنوات الإشهار) قتلت عثمان عريوات! * * حميد عاشوري * من صابني نجي حذاك، يا حبيب قلبي من ذاك لذاك، سنين طويلة وأنا معاك وفي التالي مازلني نستاك، يا الغالي خبرتك بحيرتي، وقلت في نفسي ماعليش عيّطلي في رمضان ولاّ خلاص ملّيت من البوراك! * * محمد بسام * يا قاصدين بيتي واش عندي في الناس، بديت بابتسامة كي كانت الضحكة غالية كالألماس، واليوم راني طالب برك نخدم في ليتيمة.. يا لوكان غير عساس!
