بوقالات13

الهاشمي‮ جيار كنت مريّح في الاتصال نرفد برك ونوصّل لخبار، حتى جاني خبر حزين قالولي مبروك عليك ما سمعنا يا جيار، نضت من بلاصتي وبقيت كي الهايم والمحتار، علاش يا سعدي قبلت ووافقت على الرياضة وأنا عارف كلها مشاكل وتبزنيس ومعارك أنصار، بصح كنت حاسبها ساهلة وخير من القعاد والانتظار‮!‬
لخضر‮ بلومي
في كل دقيقة وكل ساعة نتفكر ونتحسر على ليام زمان، كانوا الرجال واقفين على العلام وضعيفهم في اللعب ما يبان، اليوم رجعوا قاع الناس يقولو حنا لعّابا حلوا البيبان، وعاد اللي يحكي على وقت بلومي وماجر وعصاد، يبدا هدرتو بكان يا مكان!
علي‮ مالك‮ (‬رئيس‮ رابطة‮ كرة‮ القدم‮)‬
رباطي شين وين نلقى اللي يفكو، زيرّت في النتائج حتى خليت بعض الفرق يبكو، بصح في المشاكل الكبيرة الهدرة قليلة.. والرجالة هوما اللي يحكو، أنا رايس رابطة وطنية بصح مرات كثيرة نكون مع اللي يشكو!
نور‮ الدين‮ مرسلي
مريت على جماعة كبيرة وناس متلايمين يستنو في فالهم بعدما راح يولّي، قلت يا ناس أنا تاني زهري راح وبعدما كنت نسبق عدياني من كل جنس رجعت عن كل سباق نتخلى ونخلّي، قالولي أنتا وحنا ماشي كيف كيف.. حنا والفنا نمشو خفيف ونوصلوا برك وأنت في السياسة وليت تسبق روحك يا‮ مرسلي‮!

حسيبة‮ بولمرقة
فال‮ يا‮ فلفال‮ وين‮ راحوا‮ ليام‮ الزينين‮ وين‮ راحت‮ الفرقة،‮ كنت‮ نجري‮ كي‮ الغزالة‮ واليوم‮ وليت‮ نحوس‮ على‮ اللي‮ يسلكني‮ من‮ الغرقة‮.. قالولي‮ انتي‮ تاني‮ يا‮ حسيبة‮ سمنتي‮ بزاف،‮ وكثرت‮ من‮ طواجين‮ الحلو‮ والمرقة‮!