اللي فالطاسة!

آلو هولاند
نعم يا واحد الكحلوشة واش راكي حابة من عندي؟
أنت واش راك حاب من الجزاير.. واش بيك واحد ما عمرلك عينك؟ مالقيتش لي يحكم فيك؟
سعل سعالا حادا وقال.. أعلاش تشراك الفم هذا؟
قلت له.. أنت أبديت الحرب وما عليك غير تتحمل كل ما يأتي بعدها.
قال ساخرا.. أعلاش كاين فيكم واحد يقدر على الحرب مع فرنسا؟
قلت بغضب.. سقسي جدك وجدو على واش داروا فيهم المجاهدين وتعرف الحرب تاع الصح.
قال.. شدو غير فالتاريخ أنا نحكي على ضرك إلى ما وكلناكمش ما تكلوش وإلا هذه ماشي صح؟
قلت.. لالا صح وزيد أعطيناك البلاد درتها مارشي تاع الشيفون ومن فوق تسبنا وتستهزأ بينا.
قال ضاحكا.. أنتوما ما تعرفوش تڤصروا؟
قلت غاضبة.. واش من ڤصرة هذه راك هبلت ولا واش؟
قال.. كنت نلعب معاكم وزيد بوتفليقة حبيبي ياخي حنا داويناه ورجعناه كي السبع باش إيجي يدير العهدة الرابعة.
قلت.. أواه راك زدت عليها.
قال... والله والو غير انتوما الشعب برك لي غاضكم الحال أحنا على بالنا واش كاين فالطاسة.
قلت.. واقيلا عندك الحق اللي فالقلب فالقلب ولي فالطاسة فالطاسة.