بوقالات12

رابح‮ سعدان يا سعد ليام اللي ردّت وجهي احمر في رمضان، نلعب ونربح ونتأهل كيما فريق زمان، قالوا عدياني عليا قبل ماتش السينغال... مدرب وطني زعفان وجيعان، رديت استنوني في ليبيريا باش تعرفو شكون هو رابح سعدان!
مصطفى‮ براف
رشيت‮ باب‮ العتبة،‮ سمعت‮ الخدمة‮ قليلة‮ والهدرة‮ بزاف،‮ سألت‮ جيراني‮ عن‮ سرّ‮ المكان‮ اللي‮ ما‮ ينشاف،‮ وعلاه‮ ما‮ يدخلوا‮ غير‮ مول‮ لكتاف،‮ خبروني‮ وقالوا‮... أنت‮ زوالي‮ بعّد‮ من‮ هنا‮... هاذي‮ لجنة‮ مصطفى‮ براف‮!‬
حميد‮ حداج
سبقت ليام وسجلت مع الحجّاج، قالوا الناس مازلت صغير ولا خايف من ال»روتور داج«... زادوا عيطولي وقالوا روح العب البالون، ردّيت وخبرتهم... طلقتها في زمان حداج، سقسوني علاه يا ولدي... رديت ياخي رئيس الفاف حاسب المسؤولية بوراك دجاج!
رابح‮ ماجر
لو كان السعد ينشرى بالمال نبقى في بلادي وما نهاجر، ليام صعيبة فوتها ومازال الناس تهدر وتقول يا حسراه على وقت ماجر، بصح واش العمل واش المعمول... روراوة دارها بيا والكرة رجع يحكمها ألف تاجر وتاجر!
محمد‮ روراوة
من غيرو هو شكون يفهم الكرة في البلاد، يشرح ويهدر بزاف بصح عمرو ما وصل للمراد، قالوا مرة منحوس ومرة ثانية داروها بيه شي عباد، رديت وقلت... يا حسراه، مازال ما تعرفوا رورواة قادر يوصلنا للما عطشانين ويردنا بلا مانشربوا عليه بعاد، وقادر يوصل قاع الناس للهاوية بصح‮ هو‮ ما‮ ينقاد‮!.