بوقالة سكوب

برج الحمل
خرت نهار الجمعة، في يدي شمعة، قالولي أمسحي ذيك الدمعة، وانساي الخلعة، قريب يتلموا احبابك وصحابك ويفرحوا معاك الجماعة.
وحكمتكم: سرور الدنيا كأحلام النائم.
برج الثور
الناس تنده بالرجال والوالي، وانا ننده بربي العالي.
وحكمتكم: الشكاية سلاح الضعفاء.
برج الجوزاء
حوم حوم يا حوام، حوم فوق السطح العالي، وقول لها يا لالة يا زينة لبنات وخدودها براقة، وعيونها غرّاقة، صارت كل القلوب ليها سبّاقة.
وحكمتكم: صداقة الجاهل تعب.
برج السرطان
سقيلة، العين في العين والدّعوة مقبولة.
وحكمتكم: ضالة الكريم حسن الثّناء.
برج الأسد
يا شمس واش بيك ذابلة، إلا لابيك الزين راني نفكر فيك، واذا بيك الزهر ربي ما يتخلي عليك.
وحكمتكم: طوبي لمن شغله عيبه عن عيوب الناس.
برج العذراء
محبس منقوش، مربي على الفشوش، ما يحمل الهانا، أصبر يا خاطري حتى يفرّج مولانا.
حكمتك: ظلم الضعيف أفحش ظلم.
برج الميزان
لزّيت لباب الرياض، الورد عالباب النرجس باسني، الزهر عنقني، والياسمين ما بغَ يكلمني.
وحكمتكم: العين بريد القلب.
برج العقرب
قطّعت اللحم بيدي وعملت بذور، وسمعت الكلام بوذني وعرفت من قالو، يا قايلين الكلام القبيح واش تربحوا، أنا طاوس في القصر وانتم خفاش النهار ما يضوالو.
وحكمتكم: الغفلة غرور.
برج القوس
باسم الله بديت.. وعلى النبي صليت... وعلى أصحاب الأسماء ألي تبدأ بالفاء هذي البوقالة نويت...
برج الجدي
جزت على جنية، قالت لي واش تحوسي يا ولية، قلت لها مانى نحوّس لا على ما ولا على جاه، نحوس على من ضيّعت يولي لي.
وحكمتكم الفقه جيش لا يهزم
برج الدلو
جايز على باب دارنا، لابس تلمساني، قتلو يا شيخ بالاك تنساني، قالي والله ما ننساك، ونصيبك على ربي جاه وسلطاني.
وحكمتكم: القريب من قَرُبَ نفعه.
برج الحوت
امّنت بالله، والمنام رؤية من عند الله، حمامة بيضة جات ترفرف عليّ، معاها حصان توقّف بين يديّ.