بوقالة سكوب

­برج الحمل
هبط لقاع البحر، فرّشت زربية، خرجت لي جنية، قالت لي واش بيك يا بنية؟ قلت لها راحوا حبابي وخلاوني وحدانية.
وحكمتكم : بئس الطعام الحرام
برج الثور
لو كان السعود تنغرس بالعود نغرس ميات عود في وطيّة، لكن السعود بيدّك يا معبود. يا سقام السعود سقم لي سعدي.
وحكمتكم :تجنب شؤم الهزل، ونكد المزاح.
برج الجوزاء
طلعت للغابة، صبت الضّرو يابس، قتلوا يا ضرو القمر يمشي ولا حابس، قالي مفرش زربية وحذاه طاوس.
وحكمتكم : ثمرة العلوم العمل بالمعلوم.
برج السرطان
رشّيت عتبة الباب بالزهر والطّيب، وسقيت كل الأحباب بالعسل والزبيب، وكي نسيت جاني جواب كنت نستناه من عند البعيد.
وحكمتكم : جد بالكثير، واقنع بالقليل.
برج الأسد
مدّيت لقاع البير وفرّشت زربية، حرقست حرقوس ذهب من راسي لوذنية، فرحي يا يما سعدى زها ..واستشفاي في العدو إلي استشفي فيّ.
وحكمتكم : الحازم من كتم سرّه.
برج العذراء
يما يما ديريلي تويقة في وسط الحديقة باش نشوف زهري كي تجيبو ذيك الوريقة.
وحكمتكم : الخَرَسْ خير من الكذب.
برج الميزان
ديديو..ديدو..أنا سعدي مليح، قنديلي ضاوي، البنيان إلى بنيتو قع سجالي، بنياني فوق غرفة ولي يخصني يكملهولي العالي.
وحكمتكم : دُل على الجميل بجميل خلالك.
برج العقرب
عسل يا عسل في باقة خضرا، يا شميمت العاشقين يا قمرا، حلف سيد الملاح ما يرأس أمر غير إذا جات غزالته باش تكمل الحضرة.
وحكمتكم : ربما أراد الأحمق نفعك فضرّك.
برج القوس
الدالية دلات ..و دلّ العنقود، خلي القمر ينكشف، والسحاب يذوب، و خلي لالات النسا تنال المرغوب.
وحكمتكم : زين النّطق الصّدق.
برج الجدي
خرجت نهار الجمعة في يدى شمعة، قالولي أمسحي ذيك الدمعة، وانساي الخلعة، قريب يتلموا احبابك وصحابك ويفرحوا معاك الجماعة.
وحكمتكم : سرور الدنيا كأحلام النائم.
برج الجدي
خرجت نهار الجمعة في يدى شمعة، قالولي أمسحي ذيك الدمعة، وانساي الخلعة، قريب يتلموا احبابك وصحابك ويفرحوا معاك الجماعة.
وحكمتكم : سرور الدنيا كأحلام النائم.
برج الدلو
الناس تنده بالرجال و الوالي، وانا ننده بربي العالي.
وحكمتكم : الشكاية سلاح الضعفاء.
برج الحوت
حوم حوم يا حوام، حوم فوق السطح العالي، وقول لها يا لالة يا زينة لبنات وخدودها براقة، وعيونها غرّاقة، صارت كل القلوب ليها سبّاقة.